Mateo 18:10 - U Maganda A Baheta Ni Jesu-Cristo

¹⁰ Kinagi pa ni Jesus “Magingat kam a dyan moy hamakán u essa nu badit a iye hide. Kagiyan ko nikam: ti langit, u anghel di hide ay pirmi a atoy tu atubang nu Ama ko.

Mateo 18:10 ပူးပေါင်းရင်းမြစ်များ

Mateo 1:20

Pero nikuna a nabuo dán tu isip na a gimitán iye ay pinumeta u essa a anghel nu Panginoon nikuna tu tagináp na. Kinagi nu anghel nikuna, “Jose a lahe ni David, dyan ka magduwaduwa a mangkabanga ni Maria, dipo u anak a katoy tu tiyan na ay gimet nu kapangyariyan nu Banal a Ispiritu.

Mateo 12:20

Awan na pahirapan u mágkahina hide sakay tulungan na u pinakabadit ti pag-asa, hanggan a magtagumpay u katarungan.

Mateo 18:14

Kona labe hina a awan gusto nu Ama moy a atoy ti langit a metawtaw u essa tu badit a iye.”

Mateo 18:6

Kinagi pa ni Jesus “Mas mapiyya pa tu essa a tolay a báttenan siya ti essa a dakál a bito tu álleg na sakay itápduk siya tu bállog nu diget nan magin ginábwatan siya nu págkasala nu essa tu konna he a anak a naniwala nikán.

Mateo 2:13

Nadid nikuna nakahektat dán u Mágkalalaki hide a tolay ay pinumeta u essa a anghel nu Panginoon ni Jose tu tagináp na. Sakay kinagi na “Umikát ka dán Jose. Iyangay mo ti Egipto u matina mo sakay dyan kam lumakad hod hanggan awan ko kagiyán niko. Dipo ehyukán ni Herodes u anak para bunuwán.”

Mateo 2:19

Nadid nikuna a natay ti Herodes, ay te essa a anghel nu Panginoon a pinumeta tu tagináp ni Jose hod ti Egipto.

Mateo 24:31

Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”

Lukas 1:19

Timmábbeg u anghel, “Hikán ti Gabriel a mágserbi tu atubang nu Diyos. Pinaangayák na he para ikagi ko nikam i magandaáy a baheta.

Lukas 10:16

Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Lukas 16:22

Natay u mahirap kaya inyangay nu anghel hide u kaliduwwa na tu páppagyanan ni Abraham. Natay be u mayaman sakay nelábbáng.

Gimet 10:3

Nikuna magala-alas tres dán ti apon ay netan na tu pangitain u essa a anghel nu Diyos a simmáddáp tu bilay na sakay kinagi na, “Cornelio!”

Gimet 12:15

Kinagi de nikuna, “Nagaheng ka dáwwad?” Pero ipákpagpilit na a ti Pedro u katoy tu luwas. Kanya kinagi de, “Bakay anghel itona ni Pedro!”

Gimet 12:23

Ti odas biyan itod ay pinagkasakit siya nu anghel nu Panginoon, dipo inangkin na u kapuriyan a para tu Diyos; inuhád siya hanggan a natay.

Gimet 27:23

Dipo pimmeta nikán tu gibi he u anghel nu Diyos. U Diyos a sássambaán ko sakay pagserbiyan.

Gimet 5:19

Pero nikuna gibi dán ay binukasan nu anghel nu Panginoon u kulungan sakay inluwas na u apostol hide. Kinagi na nide,

Roma 14:10

Kanya dyan mo hatulan oni sestiyán u kapatkákka mo ni Cristo. Dipo hikitam a atanan ay umatubang tu Diyos, sakay siya u manghatul ni u ginimet tam ay maganda oni madukás.

Roma 14:21

Mas maganda pa u dyan kuman ti karne oni uminom ti alak oni maggimet tu bagay hide a makapangatád ti págkakasala nu kapatkákka mo.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

1 Corinto 11:22

Awan kam beman ti sadile a bilay tánni hod kam a kuman sakay uminom? Oni imemenos moy u mánnampalataya hide sakay pasanikiyán u mágkahirap hide a awan ti matawed a makan? Ánya nadid gimitán kuway? Ahakán takam? Awan! Awan takam maahak!

1 Corinto 16:11

Dyan moy siya imemenos. Nan tu kállakad na ay tulungan moy siya tu kailangan na hide tánni makasole he siya nikán a tehhod a kapayapaan. Dipo áuhayán ko siya sakay tu kákkapatkákka tam hide.

1 Corinto 9:22

Ni hikán ay hod tu mágkahina hide ti pánnampalataya ay mákbagayák para mapabegsák ko hide ni Cristo. Nákbagayák tu atanan a tolay, tánni maskin tu ánya a paraan ay maakit ko u agum nide a sumampalataya ni Jesu-Cristo para maligtas hide.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 10:10

Dipo kagi nu agum ay “Tu sulat la siya a matapang; pero tu harapan ay awan ti magimet.”

Galacia 6:1

Kákkapatkákka ko hide, ni te nagkasala a kaguman moy, hikam a igággiyya nu Banal a Ispirito ay uhunán moy siya a pasoliyán tu Diyos. Pero magingat kam makay pate hikam ay matokso be.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

Hebreo 1:14

Ni konna hod ay ánya u anghel hide? Ispirito hide a magserbi tu Diyos, sakay hide u utusan para tumulung tu maligtas hide.

Hebreo 9:24

Dipo ti Cristo ay awan simmáddáp tu Lugar a Kabanalan a ginimet ni tolay, sakay mageletrato la nu tatahoden, nan tu lugar a kabanalan ti langet. Nadid ay katoy dán siya tu atubang nu Diyos a mamag-itan para nikitam.

Pahayag 8:2

Káttapos ay netan ko u pitto a anghel a mágtaknág tu atubang nu Diyos. Sakay u balang essa nide ay inatádden ti trumpeta.