Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”
Nalugmuk kame a atanan tu luta sakay te nasanigák a boses a magupos nikán ti upos a Hebreo, ‘Saulo, Saulo, bakin páppahirapanák mo? Páppahirapan mu la i sadile muwe tu pángkontara mo nikán. Kumán ka a mangtáttendak tu mamuhok a kayo.’