Mateo 17:4 - U Maganda A Baheta Ni Jesu-Cristo

⁴ Kanya kinagi ni Pedro ni Jesus, “Panginoon, maganda a atoy kami. Ni gusto moy ay maggimet kami ti tállo a tolda: essa para niko, essa para ni Moises sakay essa para ni Elias.”

Mateo 17:4 ပူးပေါင်းရင်းမြစ်များ

Mateo 17:3

Bigla a netan nu tállo a disepulus di Moises sakay Elias a nákpagguhon ni Jesus.

Lukas 9:33

Nikuna palakad dán u duwwa a lállake ay kinagi ni Pedro ni Jesus, “Panginoon, maganda bál ta katoy kame he. Maggimet kame ti tállo a sahong: essa para niko, essa para ni Moises, sakay essa be para ni Elias.” Pero u tatahoden ay awan na tukoy u áamet-amitán na.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 7:2

Nikuna a adene dán u essa tu eldew hide nu Kasayaan nu Judio hide ti Jerusalem a dáddulawan labe a Kasayaan ni Tolda,

Filipos 1:23

Ti duwwaan iye a pagpiliyan ay he dák ti ballog: ni mabiyag palla oni matay dán. Gusto ku dán nakwa a matay tánni makaguman ko dán ti Cristo, dipo iye u mas maganda para nikán.

1 Juan 3:2

Mahal ko hide a kákkapatkákka, anak kitamon nadid nu Diyos. Pero awan padla ketan ni ánya u magin kalagayan tam. Tukoy tam a tu káddemát a huway ni Cristo ay magin konna kitam nikuna dipo ketan tam a talaga siya.

Pahayag 21:23

Awan dán kailangan u aldew oni u bulan para mangdemlag tu banuwan, dipo u kaluwalhatiyan nu Diyos u mangdemlag hod, sakay u Tupa u simbuwan.