Mateo 17:18 - U Maganda A Baheta Ni Jesu-Cristo

¹⁸ Pinagkagiyan ni Jesus u demonyo sakay lummuwas iye. Nagpiyya a pagdaka u anak.

Mateo 17:18 ပူးပေါင်းရင်းမြစ်များ

Mateo 12:22

Nadid, te essa a tolay a hinayup a buhák sakay bulol pa be a inyangay de ni Jesus. Pinagpiyya ni Jesus u tolay kanya nakaupos sakay naketa dán.

Mateo 15:28

Kanya kinagi ni Jesus tu bábbey “Dakál u pánnampalataya mo. Tábbegán ko u inyohon mo nikán” Sakay ti itod be a panahun ay nagpiyya u anak na a bábbey.

Mateo 17:17

Timmábbeg ti Jesus, “Lahi kam a awan ti paniwala sakay maigát ti ulo! Hanggan nikanák moy dapat palagi a kakaguman? Hanggan nikan ta kam a pagtiisan? Iyangay moy he u anak!”

Mateo 17:19

Káttapos ay immadeni u disepulus na hide ni Jesus sakay nagtanong a awan ti agum a makasaneg, “Bakin awan mi mapalakad u demonyo?”

Mateo 9:22

Kanya linumingat ti Jesus sakay pákketa na tu babbey ay kinagi na “Magsaya ka, dipo tu pánnampalataya mo ay nagpiyya ka.” Ti itona be a odas ay nagpiyya u bábbey.

Markos 1:34

Pinagpiyya na u tunay ti kakpal a te saket maski ni ányaman u bábbatiyán de sakay pinaibut na u madukás hide a ispirito. Awan na iye hide pinakultaden a magupos dipo tukoy de ni ti deya siya.

Markos 5:8

Kinagi na iye dipo inyutus ni Jesus, “Madukás a ispirito, lumakad ka ti tolayan iye!”

Lukas 4:41

Nágpapákhawán a limmuwas u mágkadukás a ispirito tu kakpalan nu tolay hide kinagi de, “Hiko u Anak nu Diyos!” Pero sinaway hide ni Jesus sakay awan na hide pinakultadan a magupos, dipo tukoy de a siya u Cristo.

Lukas 8:29

Kinagi na iye dipo inutusan ni Jesus u madukás a ispirito a lumakad nikuna. Nalay dán siya a sassaddappan nu madukás a ispirito. Kaya maski ni pakababantayan sakay punguwán ti kadena u tika-tikád na sakay u kama kamát na ay bágsután na la. Sakay iyáangay siya nu madukás a ispirito tu adeyo a lugar.

Lukas 9:42

Mentaras a paadene u anak ay inlugmuk sakay pinagpapágpág dámman siya nu madukás a ispirito, pero pinalayas ni Jesus u madukás a ispirito. Pinagpiyya na sakay tulos na a inyatád tu ama na.

Gimet 16:18

Aldew-aldew ay gággimitán na itod nide kanya nágngál ti Pablo. Inatubang na u bábbey sakay kinagi na tu madukás a ispirito, “Tu ngahan ni Jesu-Cristo, utusan taka a lumakad ti bábbiyan itona!” Kanya ti itod be ay lummakad u madukás a ispirito.