Mateo 16:6 - U Maganda A Baheta Ni Jesu-Cristo

⁶ Kinagi ni Jesus nide, “Mag-ingat kam tu págpaalsa nu Pariseo hide sakay Saduseo.”

Mateo 16:6 ပူးပေါင်းရင်းမြစ်များ

Mateo 16:1

Essa aldew immadeni ni Jesus u sasangan a Pariseo sakay Saduseo hide. Gusto de a purbaan ti Jesus kanya kinagi de a mángpeta siya ti essa a tanda a gábwat ti langet.

Mateo 16:11

Bakin awan moy padi maintendiyan a bakán a tungkul tu tinapay u kinagi ko? Mag-ingat kam tu págpaalsa nu Pariseo hide sakay Saduseo.”

Mateo 16:12

Sakay naintendiyan di dán a magingat bál hide tu adal nu Pariseo hide sakay Saduseo bakán a págpaalsa.

Mateo 16:5

Nadid nikuna a nakaahabes dán hide tu dilupot nu minalno ay nalimunan nu disepulus hide a magtawed ti tinapay.

Mateo 16:7

Namágguhon u disepulus hide. Kinagi de, “Dipo wád a awan kitam ti tawed a tinapay kanya nakagi na itod.”

Mateo 3:7

Pero pákketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide “Hikam a mágkadukás a tolay, deya u nagkagi nikam a ni magpabawtismu kam ay maiwasan moy u parusa nu Diyos?

Markos 8:15

Kinagi nide ni Jesus, “Magingat kam tu págpaalsa nu Pariseo hide sakay ti Herodes.”

Lukas 12:1

Nikuna magdemáttan u libu-libu a tolay ay mágkegegemmakan di dán u balang essa nide dipo tu káppal nu tolay. Kinagi ni Jesus tu disepulus na hide, “Magingat kam tu págpaalsa a gággamitán nu Pariseo hide; u gusto ko a kagiyán ay mapagpakunware hide.

Lukas 12:15

Sakay kinagi na nide a atanan, “Magingat kam tu atanan a kalase ni kakutidan; dipo u tunay a biyag nu essa a tolay ay awan masukat tu kakpal nu yaman na.”

Juan 4:33

Kanya namágtanungan u disepulus na hide, “Tehhod beman nikuna a nangatád ti makan?”

Galacia 5:9

Tehhod a talinghaga ti iye hide a mágtoldu ti baka-bakán. Kumán hide a págpaalsa ti tinapay a maski badit la u medátton ay mapaalsa na dán u lutuwán a tinapay.