Mateo 16:25 - U Maganda A Baheta Ni Jesu-Cristo

²⁵ U mángkemot tu biyag na ay siya u mawanan pero u mag-alay tu biyag na para nikán ay siya u magkahod ti tunay a biyag.

Mateo 16:25 ပူးပေါင်းရင်းမြစ်များ

Mateo 10:39

Ni ti deya man u umád a maniwala nikán dipo kakengan na u biyag na ay mawanan, pero ni ti deya man u mawanan ti biyag dipo tu pániwala na nikán ay magkahod ti biyag a awan ti katapusan.”

Mateo 16:26

Anya u maalap nu essa a tolay ni makao na u buo a mundu pero ni u kapalit be ni iye ay u biyag na? Anya u maari a mebayad nu essa tolay para mesoli nikuna u biyag na?

Markos 8:35

Dipo u maghangad a mángligtas tu biyag na ay mawanan ti biyag; pero u tolay a máng-alay tu biyag na alang-alang nikán sakay tu Maganda a Baheta ay magkahod ti biyag hanggan-hanggan.

Lukas 17:33

Ni deya man u mángligtas tu biyag na ay mawanan a talaga. Pero ni deya man u awan mángkemot tu biyag na dipo tu kássunud na nikán ay magkahod ti biyag a awan ti kahád.

Juan 12:25

U deyaman a mangpahalaga tu sadili nala ay siya u mawanan. Pero u awan mángpahalaga tu biyag na ti munduwan iye alang-alang nikán ay magkahod ti biyag a awan ti kahád.

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.