Mateo 16:16 - U Maganda A Baheta Ni Jesu-Cristo

¹⁶ Timmábbeg ti Simon Pedro, “Hiko u Cristo, u Anak nu Diyos a biyag.”

Mateo 16:16 ပူးပေါင်းရင်းမြစ်များ

Mateo 1:16

Sakay ti Jacob i amaay ni Jose a kabanga ni Maria. Ti Maria i inaay ni Jesus u nginahanan a Cristo.

Mateo 14:33

Sinamba siya nu disepulus na hide, kinagi de “Talaga a hiko ngane u Anak nu Diyos.”

Mateo 16:15

“Ay hikam, ánya u makagi moy? Deya ák beman?” tanung na nide.

Mateo 26:63

Pero awan ti kákkagi ti Jesus. Sakay kinagi nikuna nu pinakapuno a saserdote, “Iyutos ko niko: kagiyan mo nikami, tu ngahan nu Diyos a biyag, ni hiko beman u Mesias, u Anak nu Diyos?”

Mateo 27:54

Nanteng a tahod u kapitan sakay u sundalo hide a nagbantay ni Jesus nikuna nabati de u linog sakay netan de u atanan a nangyare. “Tahod ngane a siya ay Anak nu Diyos!” kinagi de.

Mateo 4:3

Sakay immangay nikuna ti Satanas sakay kinagi na “Ni tatahoden a hiko u Anak nu Diyos ay ipeta mo. Gimitán mo a makan i bitowe hide.”

Markos 14:61

Pero awan ti kákkagi ti Jesus; kanya tinanung siya a huway nu pinakapuno nu Saserdote hide, “Hiko beman u Cristo a anak nu kataas-taasan a Diyos?”

Lukas 2:11

Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon.

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Juan 11:27

Timmábbeg ti Marta, “On Panginoon, maniwalaák a hiko u Cristo, u Anak nu Diyos, a inuhay me a pademát he ti munduwáy.”

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 6:57

U Ama ko a nangpaangay he nikan u pinaggabwatan ni biyag; kanya katoy be nikan u biyag a gabwat nikuna. Konna be tu kuman tu bággi ko ay atádden ku be siya ti biyag a gabwat nikan.

Juan 6:68

Timmábbeg ti Simon Pedro, “Panginoon ti deya pa beman angayan miyay? Katoy dán niko u upos a makapangatád ti biyag a awan ti kahád.

Juan 6:69

Maniwala kame niko sakay tukoy me a hiko u Banal a pinaangay he nu Diyos.”

Gimet 14:15

“Dyan moy ina gimitán, tolay kami labe a konna nikam! Katoy kame he para ipangaral me nikam u Maganda a Baheta tánni adággen moy dán ina hide a gimet a awan ti pinagseserbiyan sakay sumole kam tu biyag a Diyos a nanggimet tu langet, tu luta, tu diget, sakay u atanan a katoy hod.

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Gimet 8:37

Kinagi nikuna ni Felipe, “Maare taka a bawtismuwan ni tunay u pánnampalataya mo tu Panginoon Jesu-Cristo.” Timmábbeg siya, “Maniwalaák a ti Jesu-Cristo u anak nu Diyos.”

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.

2 Corinto 1:19

Hikame ay di Silvano sakay Timoteo ay nangaral nikam tungkul ni Jesu-Cristo a anak nu Diyos. Sakay tukoy moy a ti Cristo ay tapat tu upos na. Talaga a tupadán na u panantu na.

2 Corinto 3:3

Maliwanag a u biyag moy ay kumán a essa a sulat a gábwat ni Cristo a nesulat tu pamama-itan me. Nesulat iye, bakán a tu tinta nan tu Ispirito nu Diyos a biyag. Sakay bakán bi iye a nesulat tu natáppeng a bito nan tu puso nu tolay hide.

2 Corinto 6:16

U Diyos u hed nikitam kaya hikitamon u Templo nu Diyos a biyag dipo hina madukás nite ugnayan u Templo nu Diyos tu diyos-diyosan. Siya dán u nagkagi: “Mágyanák sakay mákkabiyagák nide, Hikán u magin Diyos de, sakay hide ay magin kao ko.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

1 Timoteo 4:10

Dipo he, kaya kitam a magsumikap sakay magtiyaga dipo u pag-asa tam ay katoy tu biyag a Diyos, u Tagapagligtas nu atanan a tolay, lalu dán tu atanan a mánnampalataya.

Hebreo 10:31

Makaánteng u mahatulan nu Diyos a biyag!

Hebreo 12:22

Pero hikam u inadeniyan moy ay u Buked nu Sion sakay tu banuwan nu Diyos a biyag, u makalanget a Jerusalem, a páppágyanan nu awan mabilang a anghel.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

1 Juan 4:15

U mángpahayag a ti Jesus ay Anak nu Diyos ay katoy tu Diyos sakay katoy be nikuna u Diyos.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

1 Juan 5:5

Awan ti iba a magtagumpay tu mágkadukás a gimet ti munduway nan u maniwala la a ti Jesus ay Anak nu Diyos.

Pahayag 7:2

Sakay naketaák ti essa pa a anghel a naggábwat ti sikatan, tawed na u págmarka nu Diyos a biyag. Pinákhawan na u áppat a anghel a inatádden nu Diyos ti kapangyariyan a mangsida tu luta ay tu diget.