Mateo 16:11 - U Maganda A Baheta Ni Jesu-Cristo

¹¹ Bakin awan moy padi maintendiyan a bakán a tungkul tu tinapay u kinagi ko? Mag-ingat kam tu págpaalsa nu Pariseo hide sakay Saduseo.”

Mateo 16:11 ပူးပေါင်းရင်းမြစ်များ

Mateo 16:1

Essa aldew immadeni ni Jesus u sasangan a Pariseo sakay Saduseo hide. Gusto de a purbaan ti Jesus kanya kinagi de a mángpeta siya ti essa a tanda a gábwat ti langet.

Mateo 16:12

Sakay naintendiyan di dán a magingat bál hide tu adal nu Pariseo hide sakay Saduseo bakán a págpaalsa.

Mateo 16:6

Kinagi ni Jesus nide, “Mag-ingat kam tu págpaalsa nu Pariseo hide sakay Saduseo.”

Mateo 3:7

Pero pákketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide “Hikam a mágkadukás a tolay, deya u nagkagi nikam a ni magpabawtismu kam ay maiwasan moy u parusa nu Diyos?

Markos 4:40

Káttapos ay kinagi na tu disepulus na hide, “Bakin a manteng kam? Hanggan pad beman nadid ay awan kam pad la ti pánnampalataya nikán?”

Markos 8:15

Kinagi nide ni Jesus, “Magingat kam tu págpaalsa nu Pariseo hide sakay ti Herodes.”

Markos 8:21

Sakay kinagi na nide, “Awan moy pad beman la naintendiyan u kinagi ko?”

Lukas 12:1

Nikuna magdemáttan u libu-libu a tolay ay mágkegegemmakan di dán u balang essa nide dipo tu káppal nu tolay. Kinagi ni Jesus tu disepulus na hide, “Magingat kam tu págpaalsa a gággamitán nu Pariseo hide; u gusto ko a kagiyán ay mapagpakunware hide.

Lukas 12:56

Hikam a mapagkunware hide! Malalake kam a mangbasa tu tanda hide ti lutaáy sakay ti langet, bakin awan moy mabasa u tanda hide nu Diyos a mangyare dán nadid a panahun?”

Juan 8:43

Awan moy naintendiyan u kinagi ko, dipo awan moy matanggap u toldu ko.