Mateo 14:5 - U Maganda A Baheta Ni Jesu-Cristo

⁵ Maski gusto ni Herodes a ipabuno ti Juan ay awan na itod magimet dipo manteng siya tu katolayan. Dipo propeta u pangileng nu katolayan ni Juan. Kanya impepireso dálla ni Herodes ti Juan.

Mateo 14:5 ပူးပေါင်းရင်းမြစ်များ

Mateo 11:9

U angay moy beman inileng ay essa a propeta? Tama, pero ti Juan ay mas higit pa tu propeta.

Mateo 21:26

Pero ni kagiyan tam be a gábwat tu tolay, makay be ni anya u gimetan nikitam nu totolay tu banuwan. Dipo tenggiyan de a ti Juan ay essa a propeta.”

Mateo 21:32

Dipo immangay nikam ti Juan sakay intoldo na u matuwid a biyag sakay awan moy siya pinaniwalaan. Pero pinaniwalaan siya nu madukás hide a tagakolekta ti buwes sakay tu belyas hide. Netan moy iye, pero awan kam padi nagsisi sakay naniwala nikuna.”

Lukas 20:6

Pero ni kagiyán tam a gábwat tu tolay ay batikalán kitam nu tolay hide, dipo maniwala hide a prupeta ti Juan.”

Gimet 4:21

Pero mahigpit di pa hide a binawalan a mangaral sakay káttapos ay pinalaya di dán hide. Maski ni gusto di nakwa a pahirapan u duwwa ay awan de iye nagimet dipo manteng hide tu tolay hide. Dipo u tolay hide ay magpure tu Diyos dipo tu nangyare a himala.

Gimet 5:26

Kanya immangay u puno nu guwardiya hide tu templo, kaguman na u sundalo na hide. Ingkuyog de u apostol hide, pero awan de hide pinuwersa dipo manteng hide a budasán hide nu tolay hide.