Mateo 13:52 - U Maganda A Baheta Ni Jesu-Cristo

⁵² Kinagi pa ni Jesus nide “Kanya atanan a maisto nu kautusan nu Diyos a magin disepulus tu kahariyan nu Diyos ay konna tu essa a makákkao tu essa a bilay. Iluwas na u dati hide sakay bigu a kayaman tu bodega na.

Mateo 13:52 ပူးပေါင်းရင်းမြစ်များ

Mateo 12:35

U mabait a tolay ay magupos ti maganda dipo maganda u he tu isip na. Sakay u makasalanan a tolay ay magupos ti madukás dipo madukás u he tu isip na.

Mateo 13:51

Tinanung ni Jesus u disepulus na hide “Naintendiyan moy beman u kinagi ko?” Timmábbeg hide “On naintendiyan mr Panginoon.”

Mateo 13:53

Nikuna natapos dán ti Jesus a nagtoldu ti iye hide a talinghaga ay hinumektat siya ti itod a lugar.”

Mateo 23:34

Magpaangayyák nikam ti propeta hide, mágkalalaki a tolay sakay u maisto hide nu Kautusan ni Moises! Bunuwán moy u sangan nide sakay u agum ay ipako moy tu kudus. U agum ay haplitán moy tu sinagoga sakay u agum ay ehyokán moy tu banubanuwan tán madakáp moy.

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Lukas 11:49

Iye be u mangpatunay a tatahoden u kinagi nu Diyos sigun tu Karunungan na, ‘Paangayán ko nide u prupeta sakay u disepulus ko hide a magtoldu tu tolay hide. Pero bunuwán de u agum sakay pasakitan de u agum.’

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

Efeso 3:4

Mentras a basaán moy iye, ay matukuyan moy a maintendiyan ko u sekreto tungkul ni Cristo.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Colosas 1:7

Natukuyan moy iye ni Epafras, a tapat a alipin ni Cristo a mahal me a kaguman a tagapagserbi ni Cristo sakay siya u bilang bággi me nikuna nagtoldu siya nikam.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

1 Timoteo 3:6

Kailangan a nalay dán siya ti pánnampalataya, dipo ni awan ay bakay magin hambug siya sakay maparusaan a konna ni Satanas.

Tito 1:9

Kailangan a sumássunud tu adal tungkul ni Jesu-Cristo a ayun tu netoldu nikuna para metoldu na tu agum u maganda a adal sakay metama na u kamaliyan nu kumontra hide tu tama a toldu.