Mateo 13:23 - U Maganda A Baheta Ni Jesu-Cristo

²³ U bine be a neangay nadid tu maganda a luta ay kapareho na u essa a tolay a nakasaneg sakay tatahoden a naintendiyan na u upos nu Diyos. Kanya makpal a tahod a bunga u ketan tu pánniwala na.”

Mateo 13:23 ပူးပေါင်းရင်းမြစ်များ

Mateo 12:33

Kinagi pa ni Jesus “U kayu ay matukuyan tu bunga na. Ni alagaan mo u kayu ay magin maganda u bunga na hide peru ni awan mu siya alagaan ay magin madukás u bunga na hide.

Mateo 13:8

U agum a bine ay neangay tu maganda a luta. Iye hide ay nagtubu ti maganda sakay nagbunga ti makpal. U bunga nu agum a ohay ay tágtállo a pulo, u agum ay tágannam a pulo sakay u agum ay tággidatos a butil kada ohay.

Mateo 3:10

Maski nadid ay inhanda dán nu Diyos u wasay a págkáttol tu gimugimut nu kayokayo. Dipo u kayo a awan ti maganda a bunga ay káttulán sakay ibut tu apoy.

Mateo 3:8

Ipeta moy u págsisi moy tu pamamagitan nu págsunud moy tu Diyos.

Markos 10:15

Tandaan moy: u umád a tumanggap tu pághare nu Diyos a konna tu págtanggap nu anak ay awan siya makasáddáp tu kahariyan nu Diyos.”

Markos 4:20

Iye be u kapareho nu bine a nesabug tu maganda a luta. Hide u tolay a nágsaneg sakay nangtanggap tu Upos nu Diyos sakay mágbunga-bunga ti makpal; tehhod a tágtatallo a pulo, te tágga-ánnám a pulo sakay tehhod a tággidatos.”

Lukas 13:9

bakay ni magbunga la ti sumunuday a taon. Pero ni awan ay pukanán ku dán.’”

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Lukas 8:8

Sakay u agum hide a bine ay netákneg tu maganda a luta. Kaya nagtubu sakay nagbunga ti tággi-datos a butil.” Sakay káttapos ay kinagi na ti mabegsák, “Mágsaneg u tehhod a talinga!”

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 8:47

Dipo u anak nu Diyos ay mágsaneg tu Upos nu Diyos. Bakán kam a anak nu Diyos dipo awan kam mágsaneg tu upos nu Diyos.”

Gimet 16:14

U essa nide ay ti Lydia a taga-Tiatira, essa a negosyante a máglako ti mágkamahal a tela a kulay ubi. Te ánteng siya tu Panginoon. Mentaras a mágsaneg siya ni Pablo ay binukasan nu Panginoon u isip na sakay naniwala siya tu kinákkagi ni Pablo.

Gimet 17:11

Mas maganda a kauhon u Judio hide a taga-hod nan u Judio hide a taga-Tesalonica; dipo gugusto de a mágsaneg tu ipáppaliwanag ni Pablo. Pagadalan de ti aldew-aldew u Kasulatan para mapatunayan de ni tatahoden u kákkagiyán na.

2 Corinto 9:10

U Diyos a mangatád ti bine tu mágmula sakay makan ay siya be u mangatád sakay mangpasagana tu atanan a kao moy para maslalo kampa a makatulung tu agum.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Filipos 4:17

Kinagi ko iye, bakán a dipo gusto ko a tumanggap a pirme tu tulung moy hide, nan u gusto ko ay tumanggap kam ti makpal a gantimpala dipo matáttulungán kam.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

1 Tesalonica 4:1

Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

2 Tesalonica 2:10

Gimitán na u sari-sare a paraan a pagkamaliyan nu tolay hide a mepahamak. Mepahamak hide dipo umád de a pahalagaan u tatahoden a makapángligtas nide.

Hebreo 4:2

Dipo konna nide ay nakasaneg kitam be ti Maganda a Baheta. Pero awan de napakinabangan u nasaneg de, dipo awan di iye tinanggap a tehhod a pánnampalataya.

Hebreo 6:7

Hikitam a tolay ay konna tu luta a káttapos a maudinan ti mabegsák ay tubuwan ni mula a pakinabangan nu nagmula. Pagpalaan nu Diyos ina a luta.

Hebreo 8:10

“Iye u bigu ko a kasunduwan tu Israelita hide, káddemát ni aldiwan itod,” Kagi nu Panginoon: “Ay imula ko tu isip de u utus ko hide, sakay iyukit ko tu pusu de. Hikán u magin Diyos de, sakay hide u magin banuwan ko.

2 Pedro 3:18

Pero lumagu kam tu kagbi nu Diyos sakay tu pákkatukoy moy tu Panginoon tam sakay Tagapagligtas a ti Jesu-Cristo. Puriyán siya nadid sakay magpakahanggan! Amen.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.