Mateo 13:21 - U Maganda A Baheta Ni Jesu-Cristo

²¹ Pero dipo kapareho siya nu essa a mula a awan ti gimot a madisalad ay awan siya makatággád tu hirap nu seste dipo tu pánniwala na ay alisto siya a ummadág tu pánniwala na.

Mateo 13:21 ပူးပေါင်းရင်းမြစ်များ

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

Mateo 11:6

Sakay ikagi moy pa nikuna a ‘Pagpalaán nu Diyos u tolay a awan manghina u pánniwala de nikán.’”

Mateo 13:20

U neangay be a bine tu mabito a luta ay konna tu essa a tolay a nakasaneg sakay masaya a tumanggap tu baheta tungkul tu pághari nu Diyos.

Mateo 13:57

Inadiyan de ti Jesus, kanya kinagi ni Jesus “U essa a propeta ay igalang maski hádya pero awan siya igalang nu tolay hide tu sadili na a banuwan sakay tu sadili na a bilay.”

Mateo 13:6

Pero alisto hide a nalanás dipo tu matindi a init sakay awan hide masyadu a nakagimot ti madisalad.

Mateo 24:13

Pero u matapat hanggan tu katapusan ay siya u maligtas.

Mateo 26:31

Kinagi ni Jesus nide, “Ti gibiyan iye, hikán ay ginanan moy a atanan konna tu kinagi tu Kasulatan, ‘Bunuwan ko u pastol sakay magkawatakwatak u tupa hide.’

Mateo 26:33

Timmábbeg ti Pedro, “Maski ginanan ka nu atanan ay awan ta ka ginanan.”

Markos 4:17

Pero awan naggimot u upos nu Diyos tu puso de, kanya awan hide nanatile. Nikuna demattan hide nu sari-sare a kahirapan oni págdusta dipo tu upos nu Diyos, ay pagdaka hide a immatras.

Lukas 8:13

U nesabug a bine tu bito-bito hide ay u tolay hide a nágsaneg sakay masaya de a tinanggap u upos nu Diyos. Pero awan tatahoden u págtanggap de tu puso de, kaya awan nagnalay u pánnampalataya de. Tu káddemát nu pagsubuk tu biyag de ay pagdaka hide a summina.

Juan 6:26

Timmábbeg ti Jesus nide, “U tatahoden, ehyukánnák moy bakán a dipo tu netan moy a makataka-taka, nan dipo nakakan kam tu tinapay sakay nabássog.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Galacia 6:12

U tolay a mangpilit nikam a magpature ay gustu dila a puriyán hide nu agum a tolay. Konna hod gimet diyay dipo paraan de a awan hide mapahirapan a konna tu págpahirap tu tolay a magtoldu au kamatayan la ni Cristo tu kudus u makaligtas tu tolay.

Galacia 6:15

Awan mahalaga ni nature oni awan u essa a tolay. U mahalaga ay u pángbagu nikitam nu Diyos.

Efeso 3:17

Tánni mágyan ti Cristo tu puso moy tu pamamag-itan nu pánnampalataya moy nikuna. Idáddasal kube a magin matibay sakay matatag kam tu págmahal moy tu Diyos sakay tu balang essa.

Filipos 1:6

Siguraduwán ko nikam a u maganda a gimet a sinapulan nu Diyos nikam, ay tapusán na hanggan tu aldew nu kássole ni Cristo Jesus.

2 Timoteo 1:15

Tukoy mo be a inadagginak dán nu atanan a mannámpalataya hide ti Asia, pate di Figelo sakay ti Hermogenes.

2 Timoteo 4:10

Dipo linakadinák dán ni Demas, mas minahal na u makamundu hide a bagay, immangay siya nadid ti Tesalonica. Ti Cresente ay immangay be ti Galacia, sakay ti Tito ay immangay dán ti Dalmacia.

Santiagu 3:2

Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.

1 Pedro 1:5

Dipo tu pánniwala moy ni Jesu-Cristo kaya ingatan kam nu kapangyariyan nu Diyos, mentaras a maguhay kam tu kaligtasan a iyatád na káddemát nu katapusan a aldew.

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.