Mateo 13:11 - U Maganda A Baheta Ni Jesu-Cristo

¹¹ Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Mateo 13:11 ပူးပေါင်းရင်းမြစ်များ

Mateo 13:10

Sakay ummadene u disepulus hide ni Jesus sakay tinanung de siya “Bakin a idilan mo ti talinghaga u págtoldu mo ti tolay hide?”

Mateo 16:17

Kinagi nikuna ni Jesus, “Pinagpala ka Simon a anak ni Jonas! Dipo iye a karunungan ay awan intoldu niko ni ti deya man a tolay nan impakapospos iye niko nu Ama ko a atoy ti langet.

Mateo 19:11

Timmábbeg ti Jesus, “Awan atanan ay makatanggap ti iye a adal ni awan u pinagkalooban la hide nu Diyos.

Mateo 20:23

Kinagi ni Jesus, “U hirap ko ay makayanan moy ngane. Pero bakán a hikam u mangpile ni deya u umetnud tu kawanan sakay tu kawihi ko. Itona hide a inagid moy ay para tu pinaghandaan hide nu Ama ko.”

Markos 10:40

Pero bakán a hikán u magpile ni ti deya u umetnod tu kawanan oni tu kawihe. Inlaan la itona hide para tu pinile nu Diyos.”

Markos 4:11

Kinagi nide ni Jesus, “Nepagkaluub nikam u karapatan a matukuyan u lihim tungkul tu pághare nu Diyos, pero tu agum ay nekagi iye tu pamamag-itan nu talinghaga.

Lukas 8:10

Timmábbeg ti Jesus nide, “Inatádden kam nu Diyos ti karunungan tán matukuyan moy u lihim hide tungkul tu pághare na. Pero u agum ay tu pamamag-itan nu talinhaga hide tánni: ‘Maski umileng hide ay awan hide ti ketan; sakay maski mágsaneg hide ay awan hide ti maintendiyan.’ ”

Juan 6:65

Indagdag pa a kinagi ni Jesus, “Iye u dahilan ni bakin kinagi ko nikam a awan ti makaadene nikán liban ni kagustuwan nu Ama ko.”

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

Gimet 16:14

U essa nide ay ti Lydia a taga-Tiatira, essa a negosyante a máglako ti mágkamahal a tela a kulay ubi. Te ánteng siya tu Panginoon. Mentaras a mágsaneg siya ni Pablo ay binukasan nu Panginoon u isip na sakay naniwala siya tu kinákkagi ni Pablo.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

1 Corinto 13:2

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

1 Corinto 15:51

Mágsaneg kam ta te kagiyánnák a lihim nikam: bakán a atanan ay matay, pero mabagu kitam a atanan,

1 Corinto 2:14

Dipo u tolay a awan u Ispirito nu Diyos nikuna ay umád a tumanggap tu kaluub hide a gábwat tu Ispirito nu Diyos. Para nide, awan iye ti kabuluhan sakay awan de maintendiyan, dipo awan nide u Ispirito nu Diyos a mangdemlag tu isip de.

1 Corinto 2:7

Pero u ipáppangaral me ay u lihim a karunungan nu Diyos a nelihim tu itod pero intalaga na iye para tu kapuriyan tam, bagu pa a lalangán i munduwáy.

1 Corinto 4:1

Nadid, dapat u pangileng moy nikame ay tagapagserbi ni Cristo sakay katiwala a mángpahayag tu upos nu Diyos a date a awan ti makatukoy.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 1:9

Dipo gusto na a maintendiyan tam u sekreto a plano nu Diyos, a mehayag tu pamamag-itan ni Cristo,

Efeso 5:32

Iye u dakila a Tatahoden a impahayag nu Diyos: impeta ni iye u kaugnayan ni Cristo sakay tu mánnampalataya hide nikuna.

Efeso 6:19

Ipagdasalák moy be a nakwa kada magtolduwák ay atáddinák nu Diyos ti tama hide a upos tánni mepahayag ko a tehhod a begsák isip u Maganda a Baheta a nesekreto tu itod.

Colosas 2:2

Gággimitán ku iye para pabegsákkán takam a atanan sakay pagkaessaán a magmahalan tu balang essa. Tánni matukuyan sakay maintendiyan moy ti husto u plano nu Diyos a inlihim na tu itod tungkul ni Cristo.

1 Timoteo 3:16

Tunay ngane a maganda u impakapos-pos nu Diyos nikitam a tama a pannampalataya: Ti Jesus ay nehayag nikitam nikuna nagin tolay siya, sakay pinatunayan nu Banal a Ispirito a siya ay matuwid sakay netan nu anghel hide. Sakay nadid ay nepahayag dan tu buo a mundu u tungkul nikuna sakay tehhod a simmampalataya. Sakay siya ay inyontok ti langet ni hadya siya a maghare.

1 Timoteo 3:9

Kailangan a matapat hide tu pánnampalataya a impakapos-pos nikitam nu Diyos sakay tehhod a malinis a isip.

Santiagu 1:5

Ni ti deya man u kulang ti karunungan ay mangaged kam tu Diyos tánni atádden na kam dipo makákkagbiyán siya awan mágkemot sakay awan na ipasanike u magaged nikuna.

1 Juan 2:20

Pero inyatád dán nikam u Banal a Ispirito kaya tukoy moy dán u tatahoden.

1 Juan 2:27

Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.