Mateo 12:46 - U Maganda A Baheta Ni Jesu-Cristo

⁴⁶ Nadid alay nu pággupos ni Jesus tu katolayan ay dummemát u ina sakay kapatkákka na hide a lállake. Nágtaknág hide tu luwas nu bilay sakay gusto de siya a uhunán.

Mateo 12:46 ပူးပေါင်းရင်းမြစ်များ

Mateo 1:18

Nadid konna he i istoryaay nu kákkaenak ni Jesu-Cristo: Ti Maria a ina ni Jesus sakay ti Jose ay nasakad dán. Pero bagu hide a nagagum ay nagbuktet ti Maria tu pamamagitan nu kapangyariyan nu Banal a Ispiritu.

Mateo 12:47

Kanya te nangkagi ni Jesus a atoy hide tu luwas sakay gusto de siya a uhunán.

Mateo 13:55

Awan beman siya u anak nu karpintero? Awan beman u ina na ay ti Maria sakay u kákkapatkákka na a lállake ay di Santiago, Jose, Simon, sakay Judas?

Mateo 2:11

Kássáddáp de tu bilay ay netan de u anak a kaguman nu ina na a ti Maria. Limmuhud hide sakay dinumapa bilang pággalang de nikuna. Káttapos ay inluwas de u regaregaro de sakay inyatád de nikuna u regaregaro de a ginto, pasáppot a suub sakay mira.

Mateo 2:20

Kinagi na “Jose umikat ka dán. Angay mu dán isole u páttena mo ti Israel dipo natay dán u gusto a mangbuno tu anak.”

Markos 2:21

“Awan ti magáppol ti bigu a risato tu date a damit dipo ni nabatak u bigu a risato, mabatak u ináppolan sakay lalo a dumakál u pisad.

Markos 6:3

Awan beman siya u karapintero a anak ni Maria, sakay wadi na di Santiago, Jose, Judas sakay ti Simon? Awan beman u wáwwadi na a bábbey ay hod he a mágyan?” Dipo ti itod ay umád de a maniwala nikuna sakay binadit-badit de siya.

Lukas 1:43

Deyaák beman para bisitaán nu ina nu Panginoon ko?

Lukas 2:33

Kanya nagtaka u ama sakay u ina ni Jesus dipo tu kinagi ni Simeon tungkul nikuna.

Lukas 2:34

Inaged ni Simeon a pagpalaán hide nu Diyos sakay kinagi na ni Maria, “Sanigán mo i kagiyán kuwáy, anakan iye ay pinile nu Diyos. Tu pamamag-itan na ay makpál u maligtas sakay makpal be u mahatulan tu lahe hide ni Israel. Siya u tanda a gábwat tu Diyos pero makpál be nikuna u mangkontara,

Lukas 2:48

Nikuna ketan siya nu dáddakál na ay nagtaka be hide. Kinagi nena na, “Anin, anak ko, bakin a kinonna mo kami he? Grabi u balisa me ay tama mo a makán ehyukán niko.”

Lukas 2:51

Káttapos ay nákkuyog dán ti Jesus tu dáddakál na hide a pasole ti Nazaret, sakay nagin masássunudán siya nide. Pinakatandaan nu ina na u atanan a bagay a nangyare.

Lukas 8:10

Timmábbeg ti Jesus nide, “Inatádden kam nu Diyos ti karunungan tán matukuyan moy u lihim hide tungkul tu pághare na. Pero u agum ay tu pamamag-itan nu talinhaga hide tánni: ‘Maski umileng hide ay awan hide ti ketan; sakay maski mágsaneg hide ay awan hide ti maintendiyan.’ ”

Juan 19:25

Nadid, mágtaknág u ina ni Jesus tu sadát nu kudus na sakay u wadi na a bábbey a ti Maria a kabanga ni Cleofas, sakay katoy bi hod ti Maria a Magdalena.

Juan 2:1

Nadid, kállipas nu tállo a aldew ay tehhod a kasalan tu banuwan nu Cana a sakup ni Galilea. Sakay u ina ni Jesus ay hod bi hod.

Juan 2:12

Káttapos nu kasal ay immangay ti Jesus ti Capernaum, kaguman u ina na, u kákkapatkákka na hide, sakay tu disepulus na hide. Nágyan hod hide ti sangan a aldew.

Juan 2:5

Kinagi nu ina ni Jesus tu utusan hide, “Gimitán moy u ánya man a utus na nikam.”

Juan 7:10

Tu kállakad nu wáwwadi hide ni Jesus a paangay tu kasayaan ay immangay labe ti Jesus pero patagu la.

Juan 7:3

kinagi nu wáwwadi hide ni Jesus nikuna, “Bakin a awan ka pa he lumakad sakay umangay ti Judea, tánni ketan nu disepulus mo hide u gággimitán mo hide?

Juan 7:5

Kinagi iye nu wáwwadi ni Jesus dipo maski hide ay awan maniwala nikuna.

Gimet 1:14

Lagi hide a mamággipun-ipun para magdasal kaguman u bábbey hide sakay ti Maria a ina ni Jesus, konna bihod u kákkapatkákka ni Jesus a lállake.

1 Corinto 9:5

Ni te kabanga kame, awan kame beman ti karapatan a mangkuyog tu kabanga me a mánnampalataya a konna tu gággimitán ni Pedro, a konna tu agum hide a apostol sakay kákkapatkákka nu Panginoon tam?

Galacia 1:19

Awanák hod ti netan a agum a apostol, nan ti Pedro la sakay ti Santiagu a wadi nu Panginoon.