Mateo 11:27 - U Maganda A Baheta Ni Jesu-Cristo

²⁷ Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 11:27 ပူးပေါင်းရင်းမြစ်များ

Mateo 28:18

Ummadeni ti Jesus sakay kinagi na nide,” Inyatád dán nikán u atanan a kapangyariyan ti langit sakay ti lutaáy.

Lukas 10:22

Sakay kinagi na nide, “Inyatád dán nikán nu Ama ko u atanan a bagay. Awan ti makatukoy ni deya u Anak ni awan la u Ama. Sakay awan ti makatukoy tu Ama ni awan u Anak la, sakay u pinile hide nu Anak a pángpakapospusan na tungkul nikuna.”

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 10:15

A konna bihod u Ama ko tukoy-tukuyák na sakay tukoy-tukoy ko be siya. Handa ko a iyalay u biyag ko para tu tupa hide.

Juan 13:3

Tukoy ni Jesus a inyatád dán nikuna nu Ama u atanan a kapangyariyan. Sakay tukoy na be a gábwat siya tu Diyos sakay sole siya tu Diyos.

Juan 17:6

Inpakilala taka tu tolay hide a inyatád mo nikán ti munduwáy. Kao mo hide sakay inyatád mo hide nikán, sakay sinunud de u upos mo.

Juan 3:35

Mahal a tahod nu Diyos u Anak na, sakay impabahala na nikuna u atanan a bagay tu kapangyariyan na.

Juan 6:46

Awan ko kinagi a te naketa dán tu Ama. Hikán la a gábwat tu Diyos Ama u naketa nikuna.

Juan 7:29

Pero matengge ko siya dipo gábwaták nikuna, sakay siya u nangpaangay he nikán.”

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

1 Juan 2:23

U awan tumenggi tu Anak ay awan be tumenggi tu Ama. Ni deya man u tumenggi tu Anak ay tumenggi be tu Ama.

2 Juan 1:9

Ni ti deyaman u awan umayun nan dagdagen napa u toldu ni Cristo ay awan nákpagkaessa nikuna u Diyos. Ni ti deyaman u umayun tu toldu ni Cristo ay mákpagkaessa nikuna u Ama sakay u Anak.