Mateo 11:24 - U Maganda A Baheta Ni Jesu-Cristo

²⁴ Pakatandaan moy tu Aldew nu Pághukom ay mas higit u parusa moy nan tu parusa a nadanas nu taga Sodoma tu itod.”

Mateo 11:24 ပူးပေါင်းရင်းမြစ်များ

Mateo 10:15

Pakatandaan moy iye: Tu Aldew nu Pághukom ay mas maparusaan nu Diyos u tolay hide a napagpagan moy ti alikabuk nan tu mágkadukás hide a tolay a mágyan tu itod a panahun tu banuwan a Sodoma sakay Gomorra.”

Mateo 11:22

Ikagi ku nikam a mas higit u parusa moy nan tu parusa nu taga Tiro sakay Sidon tu Aldew nu Pághukom.

Mateo 23:14

Kakagbi kam sakay mapagkunware kam! Inalap moy u ariarian nu bábbey a bilo sakay u págdasal moy ay pinaatakdug moy para awan de mahalata u págkunware moy! Dipo tu gimet moy a iye ay lalo pa a dumagge u parusa moy!

Markos 6:11

Ni umád dikam a tanggapán oni awan kam sanigán nu tolay hide tu essa a lugar ay lumakad kam hod sakay ipagpag moy u alikabuk tu tikád moy, tanda itod a parusaan hide nu Diyos tu awan de pánniwala nikam.”

Lukas 10:12

Kagiyán ko nikam: tu Aldew nu Pághatul ay mas madágge u parusa nu tolay hide ti banuwanan itona, nan tu dinanas nu taga-Sodoma hide!”