Mateo 11:23 - U Maganda A Baheta Ni Jesu-Cristo

²³ Sakay hikam a taga Capernaum, dyan moy ipalalo a makaangay kam ti langet dipo iyangay kam nu Diyos ti impiyerno. Ni u himala hide a ginággimet nikam ay nangyare ti Sodoma ay nagsisi nakwa u tolay hod hide tu itod sakay awan hide napuksa.

Mateo 11:23 ပူးပေါင်းရင်းမြစ်များ

Mateo 10:15

Pakatandaan moy iye: Tu Aldew nu Pághukom ay mas maparusaan nu Diyos u tolay hide a napagpagan moy ti alikabuk nan tu mágkadukás hide a tolay a mágyan tu itod a panahun tu banuwan a Sodoma sakay Gomorra.”

Mateo 16:18

Sakay kagiyán ku be niko a hiko ti Pedro sakay ti iye a bito u magin pundasyon nu pinili ko hide a tolay. Sakay awan ti makapangtalo maski u kapangyariyan ni Satanas.

Mateo 17:24

Nadid kádemmát de ti Capernaum, immadeni ni Pedro u tagasingeh hide ti buwes para tu templo. Tinanong de siya, “Magbayad beman ti buwes para tu templo u maistu moy?”

Mateo 4:13

Sakay awan dán siya nágyan ti Nazaret, inumagton siya ti Capernaum. Iye a banuwan ay adeni tu minalno a hod tu pag-itan nu págyanan nu lahi hide ni Zabulon sakay Neftali.

Mateo 8:5

Nadid káddemát ni Jesus tu banuwan a Capernaum ay immadene u essa a kapitan nu sundalo hide a taga Roma sakay nákkekagbi nikuna.

Lukas 10:15

Sakay hikam a taga-Capernaum hide, maare moy a ilangkaw u sadili moy hanggan ti langet pero itákneg kam hanggan ti impiyerno.

Lukas 14:11

Dipo u palalo a tolay ay mebaba sakay u tolay a magpakababa ay melangkaw.”

Lukas 16:23

Sakay tu bállog nu págtatiis na tu lugar nu patay hide sakay timmangad u mayaman netánnawan na tu adeyo ti Abraham a kaguman na ti Lazaro.

Lukas 4:23

Kaya kinagi ni Jesus, “Siguradu a kagiyán moy nikán i kakagiyanan iye: ‘Nay, ta doktor ka labe ay gamután mo i sadile muwe.’ Kagiyán moy be nikán, ‘Bakin awan mo gimitán tu sadile mo a banuwan u nabaheta me a ginimet mo ti Capernaum?’

Gimet 2:27

Dipo tukoy ko a awan mo pabayan u kaliduwwa ko tu lugar nu kaliduwwa nu nágkatay dán hide. Awan mo be pabayan a mahunot u banal mo a tagapagserbi.

Gimet 2:31

Sakay netan na dán ni ánya mangyariyay tu lahe na. Kanya u kákkabiyag a huway ni Cristo u binanggit na nikuna kinagi na a, ‘Awan siya pinabayan tu páglábbángngan sakay awan nahunot u bággi de.’

Judas 1:7

Isipán moy be u banuwan a Sodoma sakay Gomora sakay tu kadatig de hide a banuwan. Nagkasala hide tu mágkadukás de a gimet a pángibábbey sakay pángngilállake pate dámbe u kahalayan tu awan de kapareho. Kaya pinarusaan hide tu apoy a awan mata-matay para babala tu atanan.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 11:8

U bangkay de hide ay kapayad-payad tu karsada nu tanyag a banuwan a nepakuwan nu Panginoon de tu itod. Ngángngahanan de iye a Sodoma sakay Egipto pero bakan iye u tatahoden a ngahan na.

Pahayag 20:13

Sakay inyobla nu diget u nágkatay hide a katoy hod. Inyobla be nu luta sakay nu Hades u nágkatay hide a katoy nide. Hinatulan u atanan ayun tu ginimet de.

Pahayag 6:8

Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.