Mateo 11:21 - U Maganda A Baheta Ni Jesu-Cristo

²¹ “Kakagbi kam a taga Corazin sakay Betsaida. Dipo ni u ginimet ko a himala hide nikam ay nangyare ti Tiro sakay ti Sidon tu itod ay nagsisi nakwa hide. Nagbadu nakwa hide ti kostal sakay sássapwagan de u ulo de ti abu bilang pángpeta a nagsisi hide.

Mateo 11:21 ပူးပေါင်းရင်းမြစ်များ

Mateo 11:22

Ikagi ku nikam a mas higit u parusa moy nan tu parusa nu taga Tiro sakay Sidon tu Aldew nu Pághukom.

Mateo 15:21

Nadid hinumektat hod ti Jesus sakay immangay tu luta a adeni tu banuwan hide a Tiro sakay Sidon.

Mateo 18:7

Mahirap a tahod u kalagayan nu tolay ti munduwáy dipo tu ginabwatan hide nu kasalanan! Awan mawan u ginábwatan hide nu kasalanan, pero makaanteng u mangyari tu tolay a pinaggábwatan nu kasalanan!

Mateo 26:24

Matay u Anak nu Tolay ayun tu Kasulatan pero kakagbi a tahod u mángtokyon nikuna! Mapiyya pa a awan inyenak i tolay an itod.”

Markos 3:8

Jerusalem, Idumea, tu dibilew nu dinom a Jordan sakay tu palebut ni Tiro sakay Sidon. Tummagubet hide ni Jesus dipo nabaheta de u atanan a makataka-taka a ginimet na.

Markos 6:45

Káttapos ay pinasakay a agad ni Jesus tu abang u disepulus na hide. Pinágdipalongo na hide tu banuwan ni Betsaida, tu dibilew nu minalno, mentaras a pasoliyán na be u tolay hide.

Markos 7:24

Nadid ay limmakad hod ti Jesus, immangay siya tu lugar a Tiro sakay ti Sidon. Káddemát na hod ay timmulos siya tu essa a bilay, umád na nakwa a matukuyan nu tolay hide a dimmemát siya; pero awan na netagu.

Markos 7:31

Káddemát ni Jesus a gábwat tu lugar a Tiro, nagtaleb siya ti Sidon, sakay naglebut tu lugar ni Decapolis, sakay káttapos ay nagdiretso siya tu dinom ni Galilea.

Markos 8:22

Nadid, tu káddemát de ti Betsaida ay te sangan a tolay a nang angay tu kan Jesus ti essa a lállake a buhák, nákkekagbi hide a ni maare ay pagpiyyaán na i lállakeyan itod.

Lukas 4:26

Pero awan pinaangay nu Diyos ti Elias a tumulung tu maski essa nide nan pinaangay na siya tu essa a bilo a bábbey ti Sarepta a sakup ni Sidon.

Lukas 6:17

Káttapos na a piliyán u disepulus na hide ay nanegson siya sakay tummáttaknág hide tu patag a lugar. Katoy hod, u kakpalan nu disepulus na hide sakay u makpal a tolay a gábwat ti Judea sakay Jerusalem, sakay u banuwan hide tu baybay nu Tiro sakay Sidon.

Lukas 9:10

Kássole nu disepulus hide ni Jesus ay imbaheta de nikuna u atanan a ginimet de. Káttapos ay limmakad ti Jesus kaguman na u disepulus na hide a immangay tu banuwan a Betsaida.

Juan 1:44

(Ti Felipe ay taga-Betsaida, a konna di Andres sakay ti Pedro.)

Juan 12:21

Immadene hide ni Felipe a taga-Betsaida, iye ay prubinsiya ni Galilea. Kinagi de nikuna, “Maisto, maare mi wád a mauhon ti Jesus?”

Gimet 12:20

Nadid, nalay dán a maiyamut ti hare a Herodes tu tolay hide ti Tiro sakay ti Sidon. Kanya namágkaessaan nu tolay hide a umadene nikuna. U ginimet de ay inamigu de ti Blasto a mayordomo nu hare a aguman na hide para mákpag-ayus ni Herodes, dipo gábwat tu banuwan nu hare u pagalapan de ti makan.

Gimet 27:3

Tu kadimadimangan ay dimmung kame ti Sidon. Mabait ti kapitan a Julio ni Pablo; páppayagen na siya a angay bumisita tu amigu na hide tánni makatulung hide tu kailangan na.

Judas 1:11

Kakagbi hide sakay makaánteng u demáttán ni iye hide a tolay dipo inaheg de u halimbawa ni Cain. Sakay dipo la tu pagkasoh de tu pilak ay impatibung de u sadi-sadile de a konna ni Balaam. Limmaban hide tu puno de a konna ni Core a pinuksa nu Diyos, kaya puksaan be hide nu Diyos.

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

Pahayag 6:12

Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige.