Mateo 11:11 - U Maganda A Baheta Ni Jesu-Cristo

¹¹ Kagiyán ku nikam a tu atanan a nagin tolay ti munduwáy ay awan ti humigit pa nan ti Juan a mágbawtismo. Pero u pinakababa tu kahariyan nu Diyos ay higit pa nan ni Juan.

Mateo 11:11 ပူးပေါင်းရင်းမြစ်များ

Mateo 11:10

Ti Juan u nesulat tu Kasulatan a kinagi nu Diyos a ‘Pakatandaan moy, ipadipalongu ku a paangayán u tagabaheta ko para maghanda tu angayan mo.’

Mateo 11:12

Sapul tu págtoldu ni Juan a Mágbawtismo hanggan nadid u kahariyan nu Diyos ay nakadanas ti grabe a atake sakay gusto nu mágkatapang a tolay a agiwán u kahariyan.

Mateo 3:1

Nadid kállipas nu makpal a taon sakay nágyan padla ti Jesus ti Nazaret ay dummemát tu kaparangan ti Judea u essa a tolay a u ngahan na ay ti Juan a mágbawtismo. Sakay nágyan siya hod sakay nagsapul a nagtoldu.

Mateo 3:11

Bawtismuwan ko ti dinom u tolay hide bilang tanda nu págsisi de pero u Tagapagligtas a dumemát ay mas makapangyariyan nan nikán. Awanák pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy.

Mateo 5:19

Kanya ni ti deya man u awan sumunud tu maski essa tu kautusan dipo isipán na a awan iye pinakamahalaga sakay mangtoldu ti konna hina ay magin pinakababa tu kahariyan nu Diyos. Pero ni ti deya man u sumunud sakay mángtoldu tu katolayan tu kautusan ay magin mataas a tolay tu kahariyan nu Diyos.

Lukas 1:15

dipo magin dakila siya tu pangileng nu Panginoon. Awan siya dapat a uminom ti alak oni ányaman a áinumán a makalasing. Sakay he palla siya tu tiyan nu ina na ay atádden dán siya ti kapangyariyan nu Banal a Ispirito.

Lukas 7:28

Kagiyán ko nikam, awan palla ti neenak a mas dakila nikuna. Pero mas dakila ni Juan u pinakamababa hide a pinaghariyan nu Diyos.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Juan 1:15

Nagpatunay ti Juan tungkul nikuna, sakay iye u kinagi na: “Siya u gusto ko a kagiyán, nikuna a kinagi ko, ‘Tehhod a essa a dumemát a sumunud nikán a mas higit nan nikán, dipo baguwák a neenak ay katoy dán siya.’”

Juan 1:27

Siya u kinagi ko a, ‘Dumemát a sumunud nikán, pero awanák karapat dapat maski mangibut tu igut nu sapatus na.’”

Juan 10:41

sakay makpal a tolay u immangay hod nikuna. Kinagi de, “Maski ni pumensan ay awan naggimet ti makataka-taka ti Juan, pero atanan nu kinagi na tungkul ti tolayan iye ay tatahoden.”

Juan 3:30

Kailangan a lalo pa siya a metanyag, sakay hikán ay mebaba pa.”

Juan 5:35

Ti Juan ay kumán a demlag nu simbuwan a magdemlag tu itod, minasaya kam tu badit la a panahun tu demlag na.

Juan 7:39

U dinom a gustu he a kagiyán ni Jesus ay u Banal a Ispirito, a adene dán a matanggap nu maniwala hide nikuna. Awan palla ingkaluub u Banal a Ispirito ti panahunay a itod, dipo awan palla immangay ti Jesus ti langet.

1 Corinto 15:9

Dipo hikán u pinakamababa tu atanan a apostol; awanák karapat-dapat a madulawan a apostol, dipo pináppahirapan ko u mánnampalataya hide.

1 Corinto 6:4

Kaya ni tehhod kam a reklamo, bakin a iyangay moy pa iye tu tolay hide a awan mánnampalataya?

Efeso 2:3

Tu itod, ay kaguman kitam bi he, nabiyag kitam ayun tu kagustuwan nu pilas sakay sinunud u madukás a hilig nu bággi sakay isip tam. Kaya dipo hod ay kaguman kitam be tu nerarapat hide a parusaan nu Diyos.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

2 Timoteo 1:10

Sakay nehayag la iye nikuna dumemát ti Cristo Jesus a Tagapagligtas tam. Natalo na u kamatayan sakay inhayag na ate hod a biyag a awan ti kahad tu pamamag-itan nu Maganda a Baheta.

Hebreo 11:40

Iye ay dipo tehhod a mas maganda a plano u Diyos para nikitam, dipo gusto na a makaguman de kitam ni tupadán na dán u impanananto na nide a hide ay magin ganap.

1 Pedro 1:10

U prupeta hide tu itod a nángpahayag tungkul tu kaligtasan a kaluub nikitam nu Diyos ay pinakaadal de ti husto u tungkul tu kaligtasan.