Mateo 10:5 - U Maganda A Baheta Ni Jesu-Cristo

⁵ Inutusan sakay pinagbilinan hide ni Jesus a “Dyan kam umangay tu lugar nu awan hide Judio oni tu banuwan nu Samaritano hide.

Mateo 10:5 ပူးပေါင်းရင်းမြစ်များ

Mateo 22:3

Inutusan na u utusan na hide para akitan u naimbitaan hide pero umád de a mákpágkasayaan.

Mateo 4:15

“Hikam a mágyan ti Zabulon sakay Neftali a sakup ni Galilea a kadibilew ni Jordan a págyanan nu makpal a tolay a awan maniwala tu Diyos.

Markos 6:7

Dinulaw na u disepulus na hide a sapulo ay ti duwwa sakay inutusan na hide ti tágdaduwwa. Inatádden na hide ti kapangyariyan a magpalayas ti mágkadukás a ispirito,

Lukas 10:1

Nadid, káttapos ni itod ay nángpile dámman u Panginoon ti pitto a pulo ay ti duwwa a disepulus. Sakay pinágdipalongo na hide ti tágdaduwwa a umangay tu balang banuwan sakay tu lugar a angayan na.

Lukas 10:33

Pero tehhod be a nagtaleb a Samaritano a gábwat tu adeyo a lugar. Pákketa na tu kumakkatdug a tolay ay kinagbiyan na siya.

Lukas 17:16

Sakay limmuhud siya tu atubang ni Jesus sakay nagpasalamat. Taga-Samaria iye a tolay.

Lukas 9:1

Nadid, dinulaw ni Jesus u sapulo ay ti duwwa a disepulus sakay inatádden na hide ti kapangyariyan a magpalayas ti madukás a ispirito sakay magpapiyya tu tehhod hide a saket.

Lukas 9:2

Sakay inutusan na hide a angay mangaral tungkul tu pághare nu Diyos sakay magpapiyya tu tehhod hide a saket.

Juan 17:18

Pinaangayák mu he ti munduwáy, konna bi hod ay pinaangay ku be hide ti munduwáy, para magtoldu.

Juan 20:21

Kinagi a huway ni Jesus iye, “Magkahod kam nakwa ti kapayapaan. Ni kodyaák he a pinaangay nu Ama ay konna be hod a suguwan takam.”

Juan 4:20

U nuno me hide ay simmamba tu Diyos ti bukidan iye, pero kinagi moy a Judio hide a ti Jerusalem la maare a sambaán u Diyos.”

Juan 4:5

Kanya, nademát de u essa a banuwan a u ngahan na ay Sikar a sakup ni Samaria, adene tu luta a inyatád ni Jacob tu anak na a ti Jose.

Juan 4:9

Kinagi nu Samaritana nikuna, “Judio ka sakay Samaritanaák, bakin a mák-enom ka nikán?” Kinagi na iye dipo umad a mákpággagum u Judio hide tu Samaritano hide.

Juan 7:35

Namágtanungan u pinuno nu Judio hide, “Hádya wád plano naay a angayan ta awan tam kanon siya ketan? Angay wád siya tu lugar nu Griego hide, ni hádya a nekalat u kákkapatkákka tam a Judio, para magtoldu tu Griego hide?

Juan 8:48

Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.”

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 10:45

Nagtaka u mánnampalataya hide a Judio a kaguman ni Pedro, dipo nepagkaluub be tu bakán hide a Judio u Banal a Ispirito.

Gimet 8:1

Nadid, ti Saulo ay kaguman tu pángbuno de ni Esteban. Ti itod a aldew a nagsapul u mahigpit a págpahirap tu mánnampalataya ti Jerusalem. Kanya kimmalat u atanan nu mánnampalataya hide ti Judea sakay ti Samaria. U apostol la hide u nawahak ti Jerusalem.

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.