Mateo 10:42 - U Maganda A Baheta Ni Jesu-Cristo

⁴² Sakay ni ti deya u mangatád maski essa baso a dinom tu pinakababa a disepulus ko ay kagiyán ko nikam a talaga makatanggap siya ti gantimpala a gábwat tu Diyos.”

Mateo 10:42 ပူးပေါင်းရင်းမြစ်များ

Mateo 18:10

Kinagi pa ni Jesus “Magingat kam a dyan moy hamakán u essa nu badit a iye hide. Kagiyan ko nikam: ti langit, u anghel di hide ay pirmi a atoy tu atubang nu Ama ko.

Mateo 18:14

Kona labe hina a awan gusto nu Ama moy a atoy ti langit a metawtaw u essa tu badit a iye.”

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Lukas 17:2

Maganda pa ni báttenan siya ti essa a dakál a gilingan a bito tu álleg na sakay ibut ditaw a diget, nan magin dahilan nu pagkasalaan ni biguwan iye hide ti pánnampalataya.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

2 Corinto 8:12

Dipo ni kusang-luub u pángngatad moy, tanggapán nu Diyos u ánya man a kaya moy a meatád; awan nakam pagagiden tu awan nikam.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.