Mateo 10:28 - U Maganda A Baheta Ni Jesu-Cristo

²⁸ Sakay dyan moy kantingan u makabuno tu bággi moy pero awan makabuno tu kaliduwa nan dapat kantingan moy u Diyos a makabuno tu bággi sakay kaliduwa moy ti impiyerno.

Mateo 10:28 ပူးပေါင်းရင်းမြစ်များ

Mateo 10:26

Kinagi pa ni Jesus nide “Kanya dyan kam manteng tu tolay hide. Awan ti netagu a awan meluwas sakay atanan a sekreto ay matukuyan.

Mateo 25:46

Kinagi pa ni Jesus “Iyangay hide tu kaparusaan a awan ti katapusan pero u malinis hide ay makatanggap ti biyag a awan ti katapusan.”

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Juan 5:29

Mabiyag hide a huway sakay lumuwas hide tu nelábbángngan de. Atanan a naggimet ti maganda ay magkahod ti biyag a awan ti kahád. Pero atanan a naggimet ti madukás ay mahatulan sakay maparusaan.”

Gimet 21:13

Pero timmábbeg siya, “Bakin magsanget kam? Diyan moy panghinaán isip kuwáy! Dipo nakahandaák a papungo maski matayák pa ti Jerusalem ni kailangan, alang-alang tu ngahan nu Panginoon Jesus.”

Hebreo 10:31

Makaánteng u mahatulan nu Diyos a biyag!

Hebreo 11:35

Dipo tu pánnampalataya, ay nesole tu sangan a bábbey u mahal di hide ti biyag a nagkatay káttapos a biyagán a huway. U agum be ay umád de a palayaán hide, nan tiniis de u págpahirap nide, dipo tukoy de a maske matay hide ay huway labe hide a biyagán; sakay ibiyagan itod ay adeyo a masmaganda.

Santiagu 4:12

Eessa la u tagahatul sakay náng-atád tu Kautusan: U Diyos a te kapangyariyan a magligtas sakay magparusa. Ti deya ka a manghatul tu kapareho mo?

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”