Mateo 10:26 - U Maganda A Baheta Ni Jesu-Cristo

²⁶ Kinagi pa ni Jesus nide “Kanya dyan kam manteng tu tolay hide. Awan ti netagu a awan meluwas sakay atanan a sekreto ay matukuyan.

Mateo 10:26 ပူးပေါင်းရင်းမြစ်များ

Mateo 10:28

Sakay dyan moy kantingan u makabuno tu bággi moy pero awan makabuno tu kaliduwa nan dapat kantingan moy u Diyos a makabuno tu bággi sakay kaliduwa moy ti impiyerno.

Markos 4:22

Awan ti netagu a awan melantad, sakay awan ti sekreto a awan mehayag.”

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Lukas 8:17

Dipo awan ti netagu a awan lumitaw sakay awan ti sekreto a awan matukuyan.

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.

Gimet 4:19

Pero timmábbeg ti Pedro sakay ti Juan, “Hikamon i manghatulay ni ánya u tama sakay ni ánya u maganda tu atubang nu Diyos; sunudán mikam beman oni sunudán me u Diyos?

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.