Mateo 10:16 - U Maganda A Baheta Ni Jesu-Cristo

¹⁶ Kinagi pa ni Jesus tu sapulo ay ti duwwa a apostol na “Pakatandaan moy, paangayán takam tu tolay hide a umád nikán. Kumán kam a tupa a indátton tu bállog nu mágkatapang hide a hayup. Kanya ilagen moy hide konna tu biklat a alisto umilag dipo tukoy na a mepadukás siya. Pero magin mabait kam nide konna tu kalapate.

Mateo 10:16 ပူးပေါင်းရင်းမြစ်များ

Mateo 24:25

Pakatandaan moy a indipalongo ko dán iye a kinagi nikam.

Mateo 24:45

Kinagi pa ni Jesus “U matapat sakay malalaki a utusan ay siya u atádden ti kapangyariyán nu amo na a mamahala tu agum a alipin na hide. Siya u mangatád nide ti makan de tu tama a panahon.

Mateo 25:2

U limma nide ay mágkalalaki sakay u limma ay awan ti tukoy.

Mateo 25:4

Pero u mágkalalaki ay nagtawed ti gaas bukod pa tu atoy tu simbuwan de.

Mateo 25:9

‘Makay awan magkasiya i gaas miyáy nikitam a atanan,’ tábbeg nu magkalalaki hide. ‘Mapiyya pa ay umangay kam pa tu tindaan sakay mamali ti kao moy.’

Lukas 10:3

Sigi kammoy dán! Paangayán takam a kumán a tupa tu bállog nu hayup hide a mágkatapang.

Lukas 21:15

dipo hikán i mangtolduway nikam tu tama a itábbeg moy, tánni awan ti makagi u kadima moy hide.

Gimet 20:29

Tukoy ko a tu kállakad ko ay makpal a magdemáttan a mágkatapang a aso a mangubus tu katupaan.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 11:14

Sakay awan iye págtakaan! Dipo maski ti Satanas ay maare a magkunware a anghel nu Diyos.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

2 Corinto 8:20

Iye u ginimet me bilang pággingat tánni awan ti makagi u deya man tungkul tu pángngasiwa me ti iye a kakpal a tulung a táttawidán me.

Filipos 2:15

Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy,

Colosas 1:9

Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

Colosas 4:5

Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.

1 Tesalonica 2:10

Hikam u tistigu me sakay u Diyos, a tapat kame sakay awan ti mepintas tu ugale me sakay maayus u pákpággagum me nikam a mánnampalataya hide.

1 Tesalonica 5:22

Umadeyo kam tu atanan a madukás.