Markos 9:43 - U Maganda A Baheta Ni Jesu-Cristo

⁴³ Kanya kinagi ni Jesus, “Ni u kamát mo u mangatád niko ti págkakasala ay putáddán mo dán! Maganda pa a umangay ka ti langet a putád, kasera ni duwwa u kamát mo a meangay tu apoy a awan maada-adáp.

Markos 9:43 ပူးပေါင်းရင်းမြစ်များ

Mateo 17:27

Pero, para awan la hide ti makagi nikitam, angay ka tu minalno sakay magbahuwan ka. Sakay alapán mo u dipalongo a ikan a maalap mo. Pangángngakán mo u labi na sakay te ketan ka a pilak. Alapán mo sakay angay mu ibuwes para nikita.”

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Mateo 3:12

Siya u maghatul tu atanan a tolay. Ihiwalay na u mabait a tolay hide sakay tu madukás a tolay hide. Konna tu essa a tolay a ihiwalay na u bunga hide tu yaut. Puhunán na u bunga hide tu bilay na sakay tutudán na u yaut hide. Kanya magsisi kam tánni awan na kam parusaan tu apoy a awan maadaadáp a konna tu yaut a tinutod nu tolay.”

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Markos 9:44

Awan hod matay u uhád hide a mangkan nide sakay u apoy.

Lukas 14:13

Pero ni maghanda ka ti dakál a handaan, u akitán mo ay u magkahirap hide a tolay, u lumpo hide, u pilay hide, sakay u buhák hide.

Lukas 14:21

Nagsole u utusan sakay imbaheta na iye tu amo na. Nágngál u amo sakay kinagi na tu utusan na, ‘Sigi alistuwan mo angay ka tu kakarsada sakay tu mágkapiit hide a dilan tu banuwan sakay ikuyog muhe u mágkahirap hide a tolay, u lopog hide, u buhák hide, sakay u pilay hide.’

Lukas 3:17

Konna siya tu essa a tolay a te tawed a bilao para ihiwalay u lupás tu pahay. Idatton na u pahay tu kamalig sakay u lupás ay tutudán na tu apoy a awan dán mata-matay maski nikán.”

Roma 8:13

Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

1 Corinto 9:27

Disiplinaán ko u sadile ko sakay magpugáddák, dipo ni awan, bakay káttapos ko a magbaheta tu Maganda a Baheta tu agum ay hikán pa u awan makatanggap ti gantimpala.

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

1 Pedro 2:1

Kanya adággen moy dán u atanan a mágkadukás, u pakándaya, pakánwari-ware, kákkaiyamut, sakay pakán upos ti awan ti pinagseserbiyan tu agum.