Markos 9:20 - U Maganda A Baheta Ni Jesu-Cristo

²⁰ Kanya inyangay de u anak tu kán Jesus. Pero tu pákketa nu madukás a ispirito ni Jesus ay pinagpágpág na u anak, pinatumba sakay pinaggulung tu luta a magbugak u labi na.

Markos 9:20 ပူးပေါင်းရင်းမြစ်များ

Markos 1:26

Pinagpágpág nu madukás a ispirito u tolay sakay limmuwas a makán pákhawán.

Markos 9:18

Ni pahirapan nu madukás a ispirito ay itumba na siya; magbugak u labi na sakay magngaritengát u ngipán na, sakay umigát u bággi na. Nákpagguhunák dán tu disepulus mu hide a palakadán u madukás a ispirito, pero awan di kaya!”

Markos 9:19

Kinagi ni Jesus nide, “Awan ti pánniwala i tolayay nadid a panahun! Hanggan nikasanganák moy a kakaguman? Hanggan nikasangan takam a pagtiisan? Iyangay mo he anake!”

Markos 9:21

Tinanung ni Jesus u ama nu anak, “Nikasangan pa siya a nagkakonna hina?” Timmábbeg u ama. “Sapul pa tu kaanak na.

Markos 9:26

Tu pákkakagi hod ni Jesus ay pimmákhaw u madukás a ispirito, sakay pinagpágpág na u anak ti mahigpit, sakay immibut. U anak ay kumán dán a bangkay u idsura na, akala nu tolay hide ay natay dán!

Lukas 4:35

Pero sinaway siya ni Jesus, kinagi na, “Dyan ka pakahehaw! Umibut ka ti tolaye!” Káttapos inlugmuk nu madukás a ispirito u lállake tu atubang nu katolayan, sakay tulos na a linakaden sakay awan na pinasakitan.

Lukas 8:29

Kinagi na iye dipo inutusan ni Jesus u madukás a ispirito a lumakad nikuna. Nalay dán siya a sassaddappan nu madukás a ispirito. Kaya maski ni pakababantayan sakay punguwán ti kadena u tika-tikád na sakay u kama kamát na ay bágsután na la. Sakay iyáangay siya nu madukás a ispirito tu adeyo a lugar.

Lukas 9:39

Sináddáp siya ni madukás a ispirito, kaya bigla dálla siya a mágpapákhawán sakay mágpapágpággán hanggan a maghuho u labi na. Pirme na siya a páppasakitan sakay awan na dán gusto a lakadan.

Lukas 9:42

Mentaras a paadene u anak ay inlugmuk sakay pinagpapágpág dámman siya nu madukás a ispirito, pero pinalayas ni Jesus u madukás a ispirito. Pinagpiyya na sakay tulos na a inyatád tu ama na.

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.