Markos 8:33 - U Maganda A Baheta Ni Jesu-Cristo

³³ Pero immatubang ti Jesus tu disepulus na hide sakay kinagi na ni Pedro, “Umadeyo ka nikán Satanas! U isip mo ay awan ayun tu kaluuben nu Diyos nan ayun tu kaluuban nu tolay.”

Markos 8:33 ပူးပေါင်းရင်းမြစ်များ

Mateo 15:23

Pero awan la siya tinábbeg ni Jesus. Sakay inumadene ni Jesus u disepulus na hide sakay kinagi de “Palakadán mo siya, mahehaw a umunonod nikitam.”

Mateo 16:23

Pero kinagiyan siya ni Jesus, “Umadeyo ka Satanas! Essa ka a hadlang nikán. U isip mo ay bakán a tu Diyos nan kao nu tolay.”

Mateo 4:10

Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Markos 3:34

Inileng na u tolay hide a katoy tu palebut na, sakay kinagi na, “hide ina kuway sakay wáwwadi kuway!

Markos 3:5

Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Lukas 22:61

Simmuleg u Panginoon ni Pedro sakay lináttángngan na siya. Kaya naisip ni Pedro u kinagi nu Panginoon a, “Bagu a magtarákket u tandang ti aldiwan iye ay pumentálluwák mo a ipamen.”

Lukas 4:8

Pero tummábbeg ti Jesus, “Nakasulat tu Banal a Kasulatan, ‘U Panginoon mu la a Diyos u dapat mo a sambaán, sakay siya la u dapat mo a pagserbiyan.’ ”

Lukas 9:55

Pero inatubang hide ni Jesus sakay pinágngállan na hide.

1 Corinto 5:5

iyatád moy ni Satanas i tolayan ina tánni mepahamak u bággi na sakay tán para maligtas u ispirito na tu Aldew nu Pághatul nu Panginoon.

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

1 Timoteo 5:20

Pero nite pinuno a tulos-tulos a mággagimitán ti kasalanan ay pagkagiyan mo tu atubang nu kakpalan, tánni meántingan u agum a maggimet ti kasalanan.

Tito 1:13

Tama u kinagi na, kanya pagkagiyan mo hide ti mahigpit tánni mabiyag hide ti tama ayun tu pánnampalataya de,

1 Pedro 4:1

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan.

1 Juan 2:15

Dyan moy sunudán u makamundu a kákkabiyag nu tolay hide ti munduway oni u bagay hide a katoy tu mundu. U magmahal ti munduway ay awan magmahal tu Ama.

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.