Markos 6:46 - U Maganda A Baheta Ni Jesu-Cristo

⁴⁶ Nikuna a makalakad dán u tolay hide ay simmangkay siya tu essa a bumábbuked para magdasal.

Markos 6:46 ပူးပေါင်းရင်းမြစ်များ

Mateo 14:23

Káttapos na iye a ginimet ay inumangay siya tu essa a buked para manalangin. Inabut hod siya ni gibi.

Mateo 6:6

Pero hikam, ni magdasal kam ay angay kam tu awan ti tolay a lugar sakay magdasal kam tu Ama moy a awan tam ketan. Sakay siya a naketa nikam u mangatád nikam ti gantimpala.”

Markos 1:35

Magamulaldew palla ay immikat dán ti Jesus sakay immangay tu tahimik a lugar sakay nagdasal.

Markos 6:47

Nikuna gibi dán ay hod dán ditaw u abang, sakay mággeessa be ti Jesus tu buked.

Lukas 6:12

Ti panahunan itod ay immangay ti Jesus tu bumábbuked sakay sagibi siya hod a nágdasal.

Gimet 18:18

Káttapos ni itod a pangyayare ay nákpágyan pa ti Pablo ti sangan a aldew ti Corinto, sakay nagpaalam tu mánnampalataya hide. Káttapos ay immangay siya ti Cencrea a adene tu diget, kaguman na u magkabanga a Priscila sakay Aquila. Ti Cencrea ay nagpagapas siya ti buuk dipo natupad na dán u pananto na tu Diyos. Káttapos, nággabeng hide a patamo ti Siria.

Gimet 18:21

Pero nikuna kadnadán ay kinagi na nide, “Magsoliyák he, ni kaluuban nu Diyos.” Sakay limmakad ti Efeso a nágsakay tu abeng.

2 Corinto 2:13

Pero awanák labe ti kapayapaan dipo awan ko netan hod u kapatkákka ko a ti Tito. Kaya nagpaalamák nide sakay dummiretso ti Macedonia.

1 Pedro 2:21

U págtiis ti hirap ay kaguman tu pángpile nikam nu Diyos; dipo maski ti Cristo ay nagtiis ti hirap para nikam, I págtiis naan iye ay essa a halimbawa a dapat moy a ahigán.