Markos 16:14 - U Maganda A Baheta Ni Jesu-Cristo

¹⁴ Káttapos ay pummeta ti Jesus tu sapulo ay ti essa a disepulus na nikuna a pasiyaan hide a kuman. Pinágngállan na hide dipo tu awan de pánniwala nikuna sakay dipo tu kaigáttan nu ulo de, dipo umád de a maniwala tu nángbaheta nide a nabiyag siya a huway.

Markos 16:14 ပူးပေါင်းရင်းမြစ်များ

Mateo 11:20

Sakay nágngál ti Jesus tu tolay hide tu banubanuwan hide a makpal siya a ginimet a himala dipo awan hide nagsisi.

Mateo 17:20

Timmábbeg siya, “Dipo awan sapat u paniwala moy. Kagiyán ko nikam: ni magin kapareho la tu kadakál nu bukál nu mustasa u paniwala moy tu Diyos ay makagi moy tu buked a iye, ‘Umagton ka hod!’ sakay umagton iye. Awan ti bagay a awan moy magimet.

Mateo 28:17

Nikuna a netan de ti Jesus ay sinamba de siya. Maski u agum ay nag-alinlangan padi.

Markos 7:18

Kinagi nide ni Jesus, “Awan moy pad beman la naintendiyan? Awan moy beman tukoy a maskin ánya u kanán nu tolay ay awan makapángpadukás nikuna?

Lukas 24:11

Pero awan naniwala u Apostol hide dipo tu akala de ay gimi-gimet la nu bábbey hide.

Lukas 24:25

Kinagi nide ni Jesus, “Awan kam beman makaintendi? Bakin awan moy paniwalaan u atanan a kinagi nu prupeta hide?

Juan 20:25

Kanya imbaheta de nikuna a netan de u Panginoon. Pero timmábbeg siya nide, “Awanák maniwala mentaras a awan ko ketan u talingo nu pako hide tu kamát na, sakay mesáddáp u kamát ko tu talingo na hide tu hawes na.”

Juan 20:26

Kállipas nu walo a aldew ay huway a naipun u disepulus hide ni Jesus tu disalad nu bilay. Kaguman di dán hod ti Tomas. Pero maski ni nakakandadu u pintuwan hide ay dimmemát ti Jesus sakay timmaknág tu bállog de, sakay kinagi na, “Magkahod kam ti kapayapaan.”

Juan 20:27

Kinagi ni Jesus ni Tomas, “Ilingán mo i kamát kuwáy hide sakay tawiden mo. Isáddáp mo be ikamát muwe ti hawes kuwáy. Diyan ka magalanganin; maniwala ka dán.”

Juan 21:1

Nadid, káttapos ni itoday hide a pangyayare ay pimmeta dámman ti Jesus tu disepulus na hide tu minalno nu Tiberias. Konna he u nangyare:

Juan 21:14

Iyedán u katállo a beses a káppeta ni Jesus tu disepulus na hide káttapos na a nabiyag a huway.

1 Corinto 15:5

Sakay pummeta siya ni Pedro, sakay tu sapulo ay ti duwwa a apostol.

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.