Markos 15:46 - U Maganda A Baheta Ni Jesu-Cristo

⁴⁶ Namale ti Jose ti mapudew a damit a lino a pangbalut na tu bangkay. Nikuna a me-ogsad na u bangkay ni Jesus ay binalutan na tu damit sakay tulos na a inlábbáng tu kuweba a páglábbangngan de. Impagulung na u dakál a bito a nangtakáp de tu pintuwan nu páglábbángngan de.

Markos 15:46 ပူးပေါင်းရင်းမြစ်များ

Mateo 28:2

Káddemát de hod ay bigla a naglinog ti mabegsák dipo ummogsad gábwat ti langet u essa a anghel nu Panginoon. Ingulong na u bito a nakatakáp tu lábbang sakay immetnud tu dibbew na.

Markos 15:45

Sakay nikuna a masaneg ni Pilato tu kapitan a patay dán ti Jesus ay pinayagan na ti Jose a alapán u bangkay ni Jesus.

Markos 15:47

Netan di Maria Magdalena sakay ti Maria a ina ni Jose u nánglábbángngan de ni Jesus.

Lukas 23:53

Nikuna meogsad dán u bangkay ay binalutan na ti damit a lino sakay indátton na tu páglábbánggan a kumán a kuweba awan palla itod napaglalábbángngan.

Juan 11:38

Káddemát di Jesus tu páglábbángngan ay nalungkut dámman siya a tahod. U pinánglábbángngan de ni Lazaro ay kuweba a te takláb a dakál a bito.

Juan 11:41

Kanya inibutan de u bito. Timmangad ti Jesus ti langet sakay kinagi na, “Amáng, magpasalamaták niko dipo sinanigák mo.

Juan 20:1

Nadid, tu dimadimang nu Simba, madidiklám palla ay immangay dán ti Maria Magdalena tu páglábbángngan. Káddemát na hod ay netan na a nabukasan dán u takáp nu páglábbángngan a bito.