Markos 14:67 - U Maganda A Baheta Ni Jesu-Cristo

⁶⁷ Nikuna a ketan na ti Pedro a magendu tu adene nu apoy ay minámmalas na siya sakay kinagi na, “Awan beman kaguman ka be ni Jesus a taga-Nazaret?”

Markos 14:67 ပူးပေါင်းရင်းမြစ်များ

Mateo 2:23

Sakay nágyan hide ti Nazaret a sakup ni Galilea tánni matupad u kinagi nu propeta tu itod pa a “Mangahanan siya a taga Nazaret.”

Mateo 21:11

“Ti Jesus, u propeta a taga Nazaret a Galilea,” tábbeg be nu kakpalan.

Markos 1:24

“Ánya pák-alam muway nikame, Jesus a taga-Nazaret? Immangay kabe man he para puksaán mu kame? Tukoy taka, hiko u Banal a gábwat tu Diyos.”

Markos 10:47

Nikuna a masaneg na ti Jesus a taga-Nazaret a magtaleb ay pimmákhaw siya: “Jesus, a gábwat tu lahe ni David, kagbiyanák mo!”

Markos 14:54

Immunonod bi hod ti Pedro, pero adeyo la u distansiya na ni Jesus. Simmáddáp siya tu sássáddáppan nu bilay nu pinakapuno nu Saserdote hide, sakay nákpággetnod siya tu mágbantay hide a magendu tu apoy.

Juan 18:18

Nadid, ti itod a gibi ay madágnen, kanya mágtaknág tu lebut nu apoy u utusan hide sakay u guwardiya hide para magendu, maski ti Pedro ay nákhalo bi hod nide para mákpagendu.

Juan 19:19

Nagsulat be ti Pilato sakay impekáppát na tu kudus. U nedátton tu nepákkát ay, “Ti Jesus a taga-Nazaret u Hare nu Judio hide.”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.