Markos 14:62 - U Maganda A Baheta Ni Jesu-Cristo

⁶² Nadid ay nagupos dán ti Jesus, kinagi na, “Hikán ngane, sakay hikán a Anak nu Tolay ay ketan moy, a mággetnod tu kawanan nu makapangyariyan a Diyos. Sakay ketan moy u káddemát kuhe ti munduwáy a kaguman nu diklám ti langet.”

Markos 14:62 ပူးပေါင်းရင်းမြစ်များ

Mateo 24:30

Káttapos ay pumeta ti langit u tanda nu Anak nu Tolay sakay magdalamhati ti grabe u atanan a bansa. Metan de u Anak nu Tolay a hod tu diklam, dumemát a makapangyariyan sakay grabe a demlag.

Mateo 26:64

Timmábbeg ti Jesus, “Hiko dán u nagkagi. Pero kagiyan ko niko: Sapul nadid ay ketan mo u Anak nu Tolay a nakaetnud tu kawanan nu Makapangyariyan a Diyos sakay dumemát siya a gábwat ti langit!”

Mateo 27:11

Káttapos ay inyangay de ti Jesus tu gubernador. “Hiko beman u Hari nu Judio hide?” tanong nikuna nu gobernador. Timmábbeg ti Jesus, “Hiko dán u nagkagi.”

Markos 13:26

Káttapos ay ketanák de a Anak nu tolay a dumemát a hod tu panganurin, a tehhod a dakila a kapangyariyan sakay karangalan.

Markos 15:2

Nikuna a katoy dán hod hide ay tinanung siya ni Pilato, “Hiko beman u hare nu Judio hide?” Timmábbeg ti Jesus, “Kinagi mo dán.”

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Lukas 22:69

Pero sapul nadid ay mággetnod dán u Anak nu Tolay tu kawanan nu makapangyariyan a Diyos.”

Lukas 23:3

Tinanung siya ni Pilato, “Hiko beman u hare nu Judio hide?” “Hiko dán nagkagi ye,” tábbeg ni Jesus.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.

Hebreo 8:10

“Iye u bigu ko a kasunduwan tu Israelita hide, káddemát ni aldiwan itod,” Kagi nu Panginoon: “Ay imula ko tu isip de u utus ko hide, sakay iyukit ko tu pusu de. Hikán u magin Diyos de, sakay hide u magin banuwan ko.

2 Pedro 1:16

U impakapospos me nikam a tungkul tu kapangyariyan sakay tu káddemát a huway nu Panginoon tam a ti Jesu-Cristo ay bakán a bida a ginimi-gimet la nu tolay. Nan netan me a mismo u kapangyariyan na.

Pahayag 1:7

Tandaan moy! Dumemát siya a huway a napalebutan nu diklam, sakay ketan nu atanan a tolay maski u nangpika hide ni kuna tu wahes na tu itod. Sakay u atanan a tolay ti munduway a awan sumampalataya nikuna ay magsanget dipu tu ánteng de tu págparusa na nide. Talaga a konna he u mangyare! Amen.

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.