Markos 14:54 - U Maganda A Baheta Ni Jesu-Cristo

⁵⁴ Immunonod bi hod ti Pedro, pero adeyo la u distansiya na ni Jesus. Simmáddáp siya tu sássáddáppan nu bilay nu pinakapuno nu Saserdote hide, sakay nákpággetnod siya tu mágbantay hide a magendu tu apoy.

Markos 14:54 ပူးပေါင်းရင်းမြစ်များ

Mateo 26:3

Nadid u pupuno hide nu saserdote sakay u pinuno hide nu banuwan ay nagpisanpisan hod tu dakal a bilay nu pinakapuno a saserdote a ti Caifas.

Mateo 26:58

Tummagubet nikuna ti Pedro pero adeyo u agwat de. Káddemát na tu bilay ni Caifas ay simmáddap siya tu sural sakay naggetnud a kaguman u guwardiya hide tánni metan na ni anya u mangyari.

Markos 14:38

Sakay kinagi na nide, “Dyan kam mátdug magdasal kam tán awan kam matokso. Nakahanda u ispirito, pero mahina u bággi moy.”

Markos 14:66

Nikuna a hed palla ti Pedro tu luwas nu pintuwan ay dimmemát u essa a bábbey a alipin nu puno nu Saserdote hide.

Lukas 22:44

Dipo tu hirap a áisipán na ay lalo siya a nagdasal ti husto. Timmákták tu luta u inet na a kumán a dáddakkál a tuhog ni dige.

Lukas 22:54

Dinakáp di ngane ti Jesus sakay inyangay de tu bilay nu pinakapuno a saserdote. Immunonod nide ti Pedro pero adeyo la.

Juan 18:18

Nadid, ti itod a gibi ay madágnen, kanya mágtaknág tu lebut nu apoy u utusan hide sakay u guwardiya hide para magendu, maski ti Pedro ay nákhalo bi hod nide para mákpagendu.

Juan 18:25

Nadid, nikuna a mágtaknág ti Simon Pedro a adene tu apoy a magendu. Tinanung siya nadid nu katoy hod hide, “Awan beman essa ka be tu disepulus na hide?” Impamen iye ni Pedro, “Awan.”