Markos 14:49 - U Maganda A Baheta Ni Jesu-Cristo

⁴⁹ Aldew-Aldiwák a magtoldu tu Templo. Bakin awanák moy hod dinakáp? Pero kailangan a matupad u kinagi nu prupeta tu Kasulatan nu Diyos.”

Markos 14:49 ပူးပေါင်းရင်းမြစ်များ

Mateo 1:22

Atananan iye ay nangyari para matupad u kinagi nu Panginoon tu tolay tu itod tu pamamagitan nu propeta na.

Mateo 26:54

Pero kodya a matupad u nesulat tu Kasulatan a dapat iye a mangyare?”

Mateo 26:55

Sakay inatubang na u tolay hide sakay kinagi, “Hikán beman ay tulisan a immangay kam he a te tawed a attak sakay batuta hide para dakápannák moy? Aldew aldew, hikán ay nagtoldo tu templo pero awannák moy dinakáp.

Mateo 26:56

Pero nangyari iye a atanan tánni matupad u insulat nu propeta hide tu Kasulatan.” Káttapos ay ginuminan u disepulus na hide sakay inwahak di siya a maggeessa.

Markos 10:1

Nadid ay limmakad di Jesus ti Capernaum, immangay hide tu lugar a Judea, sakay immahabes ti Jordan. Makpal dámman a tolay u inumangay hod nikuna, sakay konna tu date na gággimitán, tinolduwan na hide.

Markos 11:27

Nadid, simmáddáp hide a huway ti Jerusalem. Mentras a maglakad ti Jesus tu Templo ay inadeniyan siya nu puno nu Saserdote hide, u tagapagtoldu hide tu Kautusan sakay u puno nu banuwan.

Markos 12:35

Nadid, tu págtoldu ni Jesus tu Templo ay tinanung na u tolay hide, “Bakin a kákkagiyán nu tagapagtoldu hide tu Kautusan a u Cristo ay anak ni David?

Markos 14:48

Kinagi ni Jesus tu nangdakáp hide nikuna, “Ányaák mágbabono? Kaya kam a immangay he a te tawed a áttak sakay gahote dakáppánnák moy?

Markos 14:50

Ginuminan u atanan nu disepulus na hide sakay inwahak di siya.

Lukas 19:47

Sakay aldew-aldew ay nagtoldu siya tu Templo. Gusto siya a ipabuno nu puno nu saserdote hide, nu maisto hide nu Kautusan sakay u ama-amaan hide tu banuwan.

Lukas 22:37

Sanigán moy kagiyán kuwáy, kailangan a matupad dán nadid u sumássulat tu Kasulatan tungkul nikán, ‘Inbilang de siya a essa tu makasalanan hide.’ Dipo u nesulat tungkul nikán ay matupad dán nadid!”

Juan 10:23

Ummangay ti Jesus tu templo sakay naglakad tu parte a ni dulawán ay Balkon ni Solomon.

Juan 18:20

Timmábbeg ti Jesus, “Bulgaranák a magupos tu tolay hide. Pirmiyák a magtoldu tu Sinagoga hide, oni tu templo, ni hádya a magipun ipun u atanan a Judio hide. Awanák nagtoldu ti lihim.

Juan 7:37

Nadid, tu dimodyan a aldew a pinakamahalaga a kasayaan nu Judio hide, timmaknág ti Jesus sakay kinagi na ti mabegsák, “U deyaman a mauwaw ay umadene nikán sakay uminom.

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Juan 8:2

Tu dimadimang, mentaras a maaga palla ay nagsole ti Jesus a huway tu templo. Makpal a tolay u immadene nikuna, kanya immetnod siya sakay nagtoldu siya hide.