Markos 14:26 - U Maganda A Baheta Ni Jesu-Cristo

²⁶ Nágkansiyon hide ti papure tu Diyos sakay káttapos ay ummangay hide tu buked a Olibu.

Markos 14:26 ပူးပေါင်းရင်းမြစ်များ

Mateo 21:1

Nadid nikuna adeni dán ti Jesus sakay u disepulus na hide ti Jerusalem ay umimang hide ti Betfage, tu Buked nu Olibo hide. Pinadipalongo ni Jesus u duwwa a disepulus.

Mateo 26:30

Sakay káttapos di a magkansiyon ti essa a pasalamat, immangay hide tu Buked nu Olibo.

Markos 14:25

Tandaan moy, awanák dán uminom ti áinumán a gábwat tu ubas hanggan tu aldew a inumán ko u bigu a alak a áinumán tu kahariyan nu Diyos.”

Lukas 22:39

Konna tu date na a gággimitán, limmakad ti Jesus sakay immangay tu Buked nu Olibo hide kaguman u disepulus na hide.

Juan 18:1

Nadid, tu káttapos ni Jesus a magdasal ay immangay hide ay tu disepulus na hide ti Kidron. Sakay immangay hide tu lugar a makpal a kayo a olibu.

Gimet 16:25

Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.

1 Corinto 14:15

Kaya para nikán, ni magdasalák, bakán la au ispiritu ko u magdasal nan gamitán ku be u isip ko a magdasal. Konna bi hod ni mágkansiyonák. Mágkansiyonák tu pamamag-itan nu ispirito ko, pero gamitán ko be u isip ko a mágkansiyon.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

Santiagu 5:13

Tehhod beman nikam a maghirap? Dapat magdasal siya tu Diyos. Tehhod beman nikam a masaya? Dapat magkansiyon siya ti papure tu Diyos.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.