Markos 10:33 - U Maganda A Baheta Ni Jesu-Cristo

³³ “Paangay kitamon ti Jerusalem, sakay hikán a Anak nu Tolay ay itokyon de tu mataas hide a Saserdote sakay tu tagapagtoldu hide ti Kautusan. Sakay hatulanák de ti kamatayan sakay iyatáddák de tu bakán hide a Judio.

Markos 10:33 ပူးပေါင်းရင်းမြစ်များ

Mateo 16:21

Sapul hod ay impakapospos dán ni Jesus tu disepulus na hide a kailangan siya a umangay ti Jerusalem. Magdanas siya hod ti makpal a hirap tu kamát nu pinuno nu banuwan, pupuno nu saserdote hide sakay tu maisto hide nu Kautusan ni Moises. Sakay ipabuno de pa siya pero tu katállo a aldew ay huway siya a mabiyag.

Mateo 26:66

Anya ti palagay moye?” Timmábbeg hide, “Te kasalanan siya, dapat siya a matay!”

Mateo 27:2

Káttapos ay pinungo de siya sakay inyangay de ni Gobernador Pilato.

Markos 14:64

Nasaneg moy u kinagi na a kontara tu Diyos. Ánya u gusto moy a gimitán tam nikuna?” Nadid ay kinagi de a atanan a kailangan siya a bunuwán.

Markos 15:1

Nadid, tunay palla ti kadimadimang ay namágguhon u Saserdote hide, sakay u pinuno hide nu banuwan sakay u tagapagtoldu hide tu Kautusan, sakay u agum hide a pinuno nu Judio hide, namágguhunan de ni ánya gimitán diyay ni Jesus. Pinapungo di ti Jesus sakay inyangay de tu kán Pilato.

Markos 8:31

Nadid ay nagsapul a nangaral ti Jesus tu disepulus na hide a siya u, Anak nu Tolay a kailangan a magdanas ti makpal a hirap. Umádden siya nu puno hide nu Judio hide, sakay u puno nu Saserdote hide sakay tu tagapagtoldu hide tu Kautusan. Ipabuno di siya pero tu katállo a aldew ay mabiyag siya a huway.

Markos 9:12

Timmábbeg ti Jesus, “Tatahoden ina, umangay pa he ti Elias, para ihanda u atanan a bagay. Ay hikam, bakin wád a mabasa tu Kasulatan, a u Anak nu Tolay ay badit-baditán sakay maghirap ti garabi?

Markos 9:31

dipo tolduwan na u disepulus na hide. Kinagi na nide, “Hikán a Anak nu Tolay ay itokyunák de, ipabunuwák de, pero huwayák a mabiyag tu katállo a aldew.”

Lukas 23:21

pero pimmákhaw u katolayan, “Ipako siya tu kudus! Ipako siya tu kudus!” kagi de.

Lukas 9:22

Kinagi na pa nide, “Magtiis pa ti dakál a hirap u Anak nu Tolay. Itakwil siya nu puno nu Judio hide, u puno nu saserdote hide sakay u maisto hide nu Kautusan. Ipabuno di siya pero biyagán siya a huway nu Diyos tu katállo a aldew.”

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Juan 18:32

Nangyari iye para matupad u kinagi ni Jesus, tungkul tu kákkatay na a danasán na.

Juan 19:11

Timmábbeg ti Jesus, “Awan ka ti kapangyariyan nikan ni awan inyatád niko nu Diyos. Kanya mas dakál u kasalanan nu tolay a náng-angay he nikán.”

Gimet 13:27

Awan tinengge nu taga-Jerusalem hide sakay u puno de hide a ti Cristo u Tagapagligtas. Maski u Kasulatan a hula nu prupeta hide a bábbasaán de kada Aldew nu Káimang nu Judio hide ay awan de naintendiyan. Hide pa u nángpatupad ti hulaan itod nikuna hatulan de ti kamatayan ti Jesus.

Gimet 20:22

Nadid, bilang kássunud tu Banal a Ispirito ay angayák ti Jerusalem, awan ko tukoy ni ánya mangyariyay hod nikán.

Santiagu 5:6

Pinarusaan moy sakay pinabuno u tolay hide a awan ti kasalanan, maskin awan hide linumaban nikam.