Lukas 3:2 - U Maganda A Baheta Ni Jesu-Cristo

² Di Anas ay ti Caifas u pinakapuno a saserdote nu Judio hide. Ti itod be a panahun ay katoy tu parang ti Juan a anak ni Zacarias. Ingkagi nikuna nu Diyos u dapat na a kagiyán tu tolay hide.

Lukas 3:2 ပူးပေါင်းရင်းမြစ်များ

Mateo 11:7

Nikuna lumakad dán u disepulus ni Juan ay sinapulan a impaliwanag ni Jesus u patungkul ni Juan tu katolayan hide. Kinagi na nide “Anya beman u angay moy inileng tu kaparangan? Essa beman a mahina a lállake a konna tu kugun a alisto la idappay-dappay nu pahás?

Mateo 26:3

Nadid u pupuno hide nu saserdote sakay u pinuno hide nu banuwan ay nagpisanpisan hod tu dakal a bilay nu pinakapuno a saserdote a ti Caifas.

Markos 1:2

Nagsapul iye nikuna natupad u insulat ni prupeta Isaias, “Katoy he u inutusan ko a mágdipalongo niko; Ihanda na u lakadán mo.

Lukas 1:80

Sakay dimmakál u anak a tehhod a mabegsak a ispirito a gábwat tu Diyos. Nágyan siya tu parang hanggan tu aldew a pimmeta siya tu taga-Israel hide.

Juan 1:23

Timmábbeg ti Juan, “Hikán u tolay a kinagi ni Propeta Isaias tu itod. Nikuna a kinagi na, ‘Masaneg u pákhaw nu essa a tolay tu parang,’ Kagiyán na, ‘Ayusán moy u lakadán nu Panginoon.’”

Juan 18:24

Ti Jesus mentaras a nakapungo ay impeangay ni Anas tu kán Caifas, u pinakapuno a Saserdote.

Gimet 4:6

Kaguman bi hod ti Anas a pinakapuno a saserdote, sakay ti Caifas, ti Juan, ti Alejandro, sakay tu agum pa hide a miyembro nu pamilya ni Anas.