Lukas 13:27 - U Maganda A Baheta Ni Jesu-Cristo

²⁷ Pero kagiyán be nu Panginoon a, ‘Awan takam matengge! Umadeyo kam nikán, atanan moy a mággagimitán ti mágkadukás!’

Lukas 13:27 ပူးပေါင်းရင်းမြစ်များ

Mateo 25:12

Pero timmábbeg siya, ‘Talaga kagiyan ko nikam: awan ta kam matetenggi.’”

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Lukas 13:25

Kapag insiradu dán nu makábbilay u pintuwan ay awan nakamon pasáddáppán maski ni mákkekakagbi kam pa a mágtatoktokán, maski pa ni kagiyán moy a, ‘Panginoon, kagbiyan mu kami pay a pasáddáppán.’ Pero tábbegan nakam ti konna he, ‘Awan takam matengge!’

1 Corinto 8:3

Pero u mangmahal tu Diyos u kilalaán na a kao na.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”