Lukas 1:79 - U Maganda A Baheta Ni Jesu-Cristo

⁷⁹ Tán mademlagen u katoy hide tu kadiklámman sakay u nágkatay dán ti kasalanan, Igiyya na kitamon patamo tu kapayapaan.”

Lukas 1:79 ပူးပေါင်းရင်းမြစ်များ

Mateo 4:16

Hikam a mágyan tu kadiklámman nu kasalanan ay maketa ti dakál a demlag. U demlag u mángpeta tu dilan nu kaligtasan tu mágyan hide tu lugar nu kamatayan.”

Lukas 2:32

siya u mangdemlag tu Hentil hide, sakay siya be u mangatád ti karangalan tu pinile mo a lahe ni Israel.”

Juan 1:9

U tunay a demlag ay ti Jesu-Cristo. Immangay he siya ti munduway para demlagan u isip nu tolay hide.

Juan 12:46

Immangayák he para demlag ni munduway, tan deya man u maniwala nikán ay awan manatili tu kadiklámman.

Juan 8:12

Nadid ay huway a nagupos ti Jesus tu tolay hide, “Hikán u demlag ni munduway. U sumunud nikán ay awan mabiyag tu kadiklámman, nan magkahod ti demlag tu biyag na.”

Juan 9:5

Mentaras a hodák ti munduwáy ay hikán u demlag ti munduway.”

Gimet 10:36

Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

Roma 3:17

Awan de tukoy a mabiyag ti mapayapa,

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.