Judas 1:6 - U Maganda A Baheta Ni Jesu-Cristo

⁶ Isipán moy be u anghel hide a awan nagtulos-tulos tu tungkulin de sakay inwahak u lugar a inyatád nide nu Diyos. Kaya ingapus hide nu Diyos ti kadena a awan mababágsot sakay impireso na hide tu tunay ti diklám a lugar hanggan tu káddemát nu Aldew nu Pághatul.

Judas 1:6 ပူးပေါင်းရင်းမြစ်များ

Mateo 10:15

Pakatandaan moy iye: Tu Aldew nu Pághukom ay mas maparusaan nu Diyos u tolay hide a napagpagan moy ti alikabuk nan tu mágkadukás hide a tolay a mágyan tu itod a panahun tu banuwan a Sodoma sakay Gomorra.”

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Mateo 8:29

Pagdaka hide a pinumakhaw “Anak nu Diyos ánya u gimitán mo nikame? Inumangay ka beman he para parusaan kami maski awan padla odas nu pághirap me?”

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.

Roma 2:5

Dipo tu kaigáttan ni ulo moye sakay awan págsise ay padággiyán mula u parusa nu Diyos niko, tu aldew a pángpeta nu Diyos tu iyamut na sakay makatarungan a pághatul na.

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Hebreo 10:27

Nan u maguhay dálla nikitam ay u makaánteng a pademát a pághatul, sakay u maggehab a apoy a mangtutod tu kadima hide nu Diyos!

2 Pedro 2:4

Dipo maski u anghel hide ay awan pinatawad nu Diyos nikuna nagkasala hide. Nan, intápduk na hide tu madisalad sakay madiham a ábbut tánni he di dán hod a uhayán u Aldew nu Pághatul.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

Judas 1:13

Sakay kumán hide a tagmák nu diget a u bula na ay u makasanike de hide a gimet; kumán be hide a netawtaw a biton a nelaan tu awan ti kahád a kadiklámman.

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.

Pahayag 20:2

Dinakáp na u dragon, iye u biklat tu itod a panahun, siya u Diyablo oni Satanas. Sakay inggapus na tu alay nu sanglibu a taon,