Judas 1:16 - U Maganda A Baheta Ni Jesu-Cristo

¹⁶ Iye hide a tolay ay awan makontento tu biyag de, maseste sakay u gugusto de a sunudán ay u kagustuwan nu pilas, mágkahambug sakay sanay hide a mangloko para maalap de u gusto de.

Judas 1:16 ပူးပေါင်းရင်းမြစ်များ

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Lukas 19:7

Nikuna ketan itod nu tolay hide ay nágganasasan hide a atanan, kinagi de a, “Maktulos siya ti makasalanane a tolay!”

Lukas 5:30

Nágganasasan u Pariseo hide sakay u maisto hide nu Kautusan. Kinagi de tu disepulus hide ni Jesus, “Bakin mákpággatubang kam a kuman sakay uminom ti mágsinge he hide ti buwes sakay tu agum pa hide a makasalanan?”

Juan 6:41

Nadid ay namágganasasan u Judio hide dipo tu kinagi ni Jesus a siya u tinapay a gábwat ti langet.

Juan 6:61

Maski ni awan ti nagkagi nikuna ay tukoy ni Jesus a naganasasan u disepulus na hide dipo tu intoldu na hide. Kanya kinagi na nide, “Dipo beman ti iye ay adágginák moy dán?

1 Corinto 10:10

Dyan kitam be mareklamo a konna tu agum nide, kaya binuno hide nu Anghel a Mágpuksa.

Galacia 5:16

Sa iye u kagiyán ko nikam, “U Banal a Ispirito u magin patnubay moy tu biyag moy sakay dyan kam paalipin tu kagustuwan nu pilas.”

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

Filipos 2:14

Gimitán moy u atanan a bagay a awan ti reklamo sakay pamágtabbegan.

1 Tesalonica 4:5

Diyan kam paalipin tu kagustuwan nu pilas konna tu gággimitán nu awan hide nakatukoy tu Diyos.

1 Timoteo 6:5

Gugusto na be a mákpágtabbegan tu tolay hide a madukás ti pággisipan sakay umád tu tatahoden. U akala de ay dilan u págsunud tu Diyos para yumaman.

2 Timoteo 4:3

Dipo dumemát u panahun a awan dán sumaneg u tolay hide tu tama a adal; nan sunudán dilaay ay u kagustuwan de. Mággaehyukán hide ti mangtoldu nide tu gugusto dila a masaneg.

1 Pedro 1:14

Bilang anak a masássunudán, ay dapat dyan kam magpaalipin tu mágkadukás a kagustuwan nu pilas konna tu gággimitán moy tu itod nikuna a awan moy palla tukoy u Diyos.

1 Pedro 2:11

Kákkapatkákka ko hide, bakán a munduwáy u permamente tam a págyanan nan kumán kitam la a bisita ti iye. Kanya mákkekagbiyák nikam, adággen moy dán u mágkadukás a kagustuwan nu bággi moy dipo ina u mangsida tu kássunud moy tu Diyos.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

2 Pedro 2:10

Lalu dán u sumunud hide tu kagustuwan nu pilas sakay sumássuway tu kapangyariyan nu Diyos. Palalo iye hide a tagapagtoldu a kákkagiyán ko. Awan hide ti ánteng a insultuwán u makapangyariyan hide a linalang ti langet.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

2 Pedro 3:3

Dipalongo tu atanan, ay dapat moy a matukuyan a tu dimodyan a aldew ay dumemát u magseste hide sakay sunudán de u mágkadukás de a kagustuwan.

Judas 1:15

tánni hatulan na u atanan. Parusaan na u awan hide tumenggi tu Diyos dipo tu mágkadukás de a gimet sakay awan págrespeto nikuna.”

Judas 1:18

Kinagi di dán nikam tu itod pa a, “Tu dimodyan a aldew ay te dumemát a tolay, pagtawaan de u upos nu Diyos, sakay u sássunudán di la ay u mágkadukás a kagustuwan nu bággi de.”