Judas 1:12 - U Maganda A Baheta Ni Jesu-Cristo

¹² Makasanike sakay makasida maski ni makatubang moy la hide a kuman ni magipun-ipun kam a mánnampalataya. Dipo iye hide a tolay ay awan ti págsawa ti kákkan, awan hide mababássog sakay awan dán hide ti iba a páppospusan nan u sadi-sadile dila. U baka-bakán hide a tagapagtoldu ay kumán a diklám a iyáppah la nu pahás, awan hide ti seserbi ta awan magin uden. Kumán be hide a kayo a awan magbunga maski ni sákbunga na dán, nabagut pate u gimot na sakay talaga a natay dán.

Judas 1:12 ပူးပေါင်းရင်းမြစ်များ

Mateo 13:6

Pero alisto hide a nalanás dipo tu matindi a init sakay awan hide masyadu a nakagimot ti madisalad.

Mateo 15:13

Tinábbeg hide ni Jesus “Bagután nama ko a atoy ti langet u halaman hide a awan na inmula.

Markos 4:6

Pero nalanás labe hide nikuna a simminggit u sinag, dipo awan madisalad u gimot de, kanya natay.

Lukas 12:45

Pero ni awan tapat u alipin ay kagiyán na tu sadile na a, ‘Malay palla a sumole u amo ko.’ Sakay sapulan na a bálbággán u agum hide a alipin a lállake pate u bábbey hide sakay mágkakanán siya sakay máglalasingán.

Lukas 16:19

Nadid, kinagi pa ni Jesus, “Te essa a mayaman a mágbabihisan ti mágkamahal a damit sakay makpal a sare-sare a makan ti aldew-aldew.

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Lukas 8:6

Tehhod be a netákneg tu kabitu-bituwan, nagtubu pero nalanás bila itod dipo malapes u luta.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

1 Timoteo 5:6

Pero ni u bilo ay magbabalang ti kákkabiyag ay mebilang dán siya a patay maski biyag palla siya.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

Santiagu 5:5

Nabiyag kam ti sagana sakay nágpapasarapán kam la ti biyag moye ti munduwan iye. Pero tu dimodyán a aldew ay te pananagutan kam. Kumán kam a u hayup a tumabe dipo makpal a makan, pero awan na tukoy a bunuwán bál siya.