Juan 7:6 - U Maganda A Baheta Ni Jesu-Cristo

⁶ Kanya kinagi ni Jesus nide, “Para nikam ay maare moy a gimitán u gusto moy maski ni ánya a odas, pero para nikán ay awan ku palla odas.

Juan 7:6 ပူးပေါင်းရင်းမြစ်များ

Mateo 26:18

Timmábbeg siya, “Angay kam ti dibanuwan sakay ehyokan moy u essa a tolay. Kagiyán moy nikuna a kona he u ipekagi nu Maistu mi ‘Adeni dán u panahon ko. Hikán sakay u disepulus ko hide ay tu bilay mo a kuman tu pangngapon nu Aldew nu Págtaleb.’ ”

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Juan 17:1

Nadid, tu pákkakagi ni Jesus ti iye hide a bagay ay timmangad siya ti langet sakay kinagi na, “Ama, dimmemát dán u odas. Parangalan mu dán u Anak mo, para parangalan nakabe.

Juan 2:4

Sakay kinagi ni Jesus nikuna, “Ináng-Ináng dyanák mo dipalonguwan, awan palla odas para ipeta ko u kapangyariyan ko.”

Juan 7:30

Dipo ti kinagiyan itod hide ni Jesus ay gustu dán siya a dakáppán nu pinuno nu Judio hide, pero awan ti nangahas dipo awan na palla odas.

Juan 7:8

Hikam dálla u umangay tu Kasayaan nu Judio hide. Awanák umangay ta bakán palla iye u odas ko.”

Juan 8:20

Iye u kinagi ni Jesus nikuna a nagtoldu siya tu templo, tu adene tu págdáttonan ti alay. Pero awan ti nangdakáp dipo awan palla dimmemát u odas na.

Gimet 1:7

Timmábbeg ti Jesus, “Awan moy kailangan a matukuyan u panahun oni odas a intakda nu Diyos Ama ni nikán a mangyare u bagay hide a itod.