Juan 4:14 - U Maganda A Baheta Ni Jesu-Cristo

¹⁴ pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 4:14 ပူးပေါင်းရင်းမြစ်များ

Mateo 25:46

Kinagi pa ni Jesus “Iyangay hide tu kaparusaan a awan ti katapusan pero u malinis hide ay makatanggap ti biyag a awan ti katapusan.”

Mateo 5:6

Pinagpala nu Diyos u tolay hide a masoh a tahod a manggimet tu kaluuben nu Diyos, dipo hide u tulungan nu Diyos tánni magimet de u kaluuben na.

Juan 10:10

Dumemát u mágtakaw para magtakaw, mamuno sakay mangsida. Pero dimmemátták para magkahod u tolay hide ti biyag a masagana sakay malaya.

Juan 11:26

U deyaman a biyag sakay maniwala nikán ay awan matay hanggan-hanggan. Maniwala ka beman ti iye, Marta?”

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 4:11

Kinagi nu bábbey nikuna, “Panginoon, madisalad i bal-ungáy sakay awan ka ti pangsalduk. Hádya ka a mangalap ti dinom a makapangatád ti biyag?

Juan 4:13

Timmábbeg ti Jesus, “U uminom ti iye a dinom ay mauwaw padi a huway,

Juan 4:36

U tolay a mággane ay makatanggap ti bayad. Konna bihod u tolay a magtoldu tu upos ko tu kapareho na a tolay ay makatanggap ti gantimpala a gábwat tu Diyos. Sakay u magtiwala hide nikan ay atádden na ti biyag a awan ti kahád. Hide ay kuman a áaniyan a aniyan nu mággane. Kanya magkaguman a masaya u nagmula tu upos nu Diyos sakay u nag-ane tu bunga na.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Juan 6:35

Kinagi ni Jesus nide, “Hikán u tinapay a mangatád ti biyag. U deyaman a umadene sakay maniwala nikán ay awan magaláp oni mauwaw a hanggan-hanggan.

Juan 6:58

Hikán u makan a gábwat ti langet. Iye ay bakán a kapareho nu mana a kinan nu ninuno moy hide, dipo natay labe hide maski ni kimman hide ti itod. Pero u ti deyaman a kuman ti makanan iye ay mabiyag a hanggan-hanggan.”

Juan 7:37

Nadid, tu dimodyan a aldew a pinakamahalaga a kasayaan nu Judio hide, timmaknág ti Jesus sakay kinagi na ti mabegsák, “U deyaman a mauwaw ay umadene nikán sakay uminom.

Roma 5:21

Kanya ni kodya a naghare u kasalanan tu pamamag-itan nu kamatayan, konna labe hod, maghare u habag nu Diyos sakay tu pángbilang na nikitam a awan ti kasalanan tu pamamag-itan nu Panginoon tam a ti Jesu-Cristo, tánni maranasan tam u biyag a awan ti kahád.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

2 Corinto 1:22

Tinatakan na kitam bilang kao na tu pamamag-itan nu pángkaluub na nikitam tu Ispirito na. Iye u patunay a matanggap tam u atanan a impanantu na.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

Pahayag 7:16

Awan dán hide magala-aláp oni mauwa-uwaw; awan dán hide makagkag tu aldew oni mapase tu ánya man a matindi a init.

Pahayag 7:17

Dipo u Tupa a katoy tu bállog nu trono u magin tagapag-alaga de. Iyangay na hide tu bukal a makapangatád ti biyag; sakay pahidán nu Diyos u luwa tu mata de, dipo awan dán ti dahilan para malungkut hide.”