Juan 18:4 - U Maganda A Baheta Ni Jesu-Cristo

⁴ Tukoy ni Jesus u atanan a mangyare nikuna, kanya tinagbu na hide sakay tinanung, “Ti deya ehyukán moyay?”

Juan 18:4 ပူးပေါင်းရင်းမြစ်များ

Mateo 16:21

Sapul hod ay impakapospos dán ni Jesus tu disepulus na hide a kailangan siya a umangay ti Jerusalem. Magdanas siya hod ti makpal a hirap tu kamát nu pinuno nu banuwan, pupuno nu saserdote hide sakay tu maisto hide nu Kautusan ni Moises. Sakay ipabuno de pa siya pero tu katállo a aldew ay huway siya a mabiyag.

Mateo 26:2

“Tukoy moy a duwwa a aldew dálla ay Kasayaan dán nu Aldew nu Pagtaleb Sakay itokyon u Anak nu Tolay para ipako tu kudus.”

Mateo 26:21

Alay de a kuman, kinagi ni Jesus “Kagiyan ko nikam: essa nikam u mángtokyon nikán.”

Mateo 26:31

Kinagi ni Jesus nide, “Ti gibiyan iye, hikán ay ginanan moy a atanan konna tu kinagi tu Kasulatan, ‘Bunuwan ko u pastol sakay magkawatakwatak u tupa hide.’

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Juan 13:1

Nadid ay dispiras dán nu kasayaan nu pággala-ala tu Págtaleb nu Anghel, tukoy dán ni Jesus a odas na dán a lumakad ti munduway dipo soli dán ti langet tu Ama na. Mahal na a tahod u disepulus na hide ti munduwáy, kanya hanggan tu katapusan ay impeta na nide ni sakodya na hide a kamahal.

Juan 13:11

Kinagi ni Jesus a awan hide atanan ay malinis dipo tukoy na ni ti deya u mángtokyon nikuna.

Juan 18:5

Timmábbeg hide, “Ti Jesus a taga-Nazaret” Kinagi ni Jesus nide, “Hikán itod.” U mángtokyon ni Jesus a ti Judas ay kaguman hod.

Juan 18:7

Kanya nagtanung a huway ti Jesus, “Ti deya u ehyukán moy?” Timmábbeg hide a huway, “Ti Jesus a taga-Nazaret.”

Juan 19:28

Tukoy ni Jesus a natapos na dán u atanan a tarabaho na, sakay tán matupad u katoy tu Kasulatan ay kinagi na, “Mauwawák.”

Juan 6:64

Pero te sangan nikam a awan maniwala.” Kinagi iye ni Jesus dipo tukoy na a sapul pa ti sapul ni ti deya u awan hide maniwala sakay ni ti deya u mángtokyon nikuna.

Gimet 2:28

Intoldu mo nikán u tama a dilan a patamo tu biyag, sakay dipo hiko u palagi ko a kaguman ay masayaák a tahod.’

1 Pedro 4:1

Nadid, dipo naghirap ti Cristo ay dapat kitam be a magin handa a maghirap a konna nikuna. Dipo u magtiis ti hirap ay immadág dán tu kasalanan.