Juan 18:15 - U Maganda A Baheta Ni Jesu-Cristo

¹⁵ Ti Pedro ay immunonod ni Jesus, kaguman na u essa a disepulus. Sakay tukoy nu disepulus u pinakapuno a Saserdote kaya nakasáddáp siya tu kudal a kaguman ni Jesus.

Juan 18:15 ပူးပေါင်းရင်းမြစ်များ

Mateo 26:3

Nadid u pupuno hide nu saserdote sakay u pinuno hide nu banuwan ay nagpisanpisan hod tu dakal a bilay nu pinakapuno a saserdote a ti Caifas.

Markos 14:54

Immunonod bi hod ti Pedro, pero adeyo la u distansiya na ni Jesus. Simmáddáp siya tu sássáddáppan nu bilay nu pinakapuno nu Saserdote hide, sakay nákpággetnod siya tu mágbantay hide a magendu tu apoy.

Lukas 22:54

Dinakáp di ngane ti Jesus sakay inyangay de tu bilay nu pinakapuno a saserdote. Immunonod nide ti Pedro pero adeyo la.

Juan 18:24

Ti Jesus mentaras a nakapungo ay impeangay ni Anas tu kán Caifas, u pinakapuno a Saserdote.

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.