Hebreo 9:8 - U Maganda A Baheta Ni Jesu-Cristo

⁸ Ti iye a ayus na ay malinaw a ipakapospos nu Banal a Ispirito a u dilan a patamo tu Lugar a Kabanalan ay awan palla bukas mentaras a mágtaknág palla u date a tolda a págsambaan.

Hebreo 9:8 ပူးပေါင်းရင်းမြစ်များ

Lukas 1:80

Sakay dimmakál u anak a tehhod a mabegsak a ispirito a gábwat tu Diyos. Nágyan siya tu parang hanggan tu aldew a pimmeta siya tu taga-Israel hide.

Juan 10:7

Kanya nagupos a huway ti Jesus nide, “Kagiyan ko nikam u tatahoden, hikán u pintuwan a lállakadán nu tupa hide.

Juan 10:9

Hikán u pintuwan. U deyaman a sumáddáp tu pamamag-itan ko ay maligtas. Magin kapareho siya nu tupa a malaya a makasáddáp sakay makaluwas tu kulungan, sakay atádden ko siya ti makan na.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Gimet 28:25

Kanya nikuna a awan hide mamágkasundu ay limmakad hide káttapos iye a kagiyán ni Pablo, “Tahod u kinagi nu Banal a Ispirito tu nunu tam hide tu pamamag-itan ni prupeta Isaias:

Galacia 3:8

Bagu pa iye a nangyare ay kinagi dán nu kasulatan a ituring nu Diyos a matuwid u Hentil hide tu pamamag-itan nu pánnampalataya de nikuna, sakay iye a Maganda a Baheta ay inpakapospos na ni Abraham, “Tu pamamag-itan mo ay pagpalaán nu Diyos u atanan a bansa.”

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

Hebreo 10:15

Pinatunayan bi iye nu Banal a Ispirito nikitam. Purumero ay kinagi na,

Hebreo 3:7

Kanya konna tu kinagi nu Banal a Ispirito, “Ni masaneg moy nadid u upos nu Diyos ay,

Hebreo 9:3

U kaduwwa a parte ay atoy tu dilupot nu kortina a dáddulawán a Lugar a Kabanalan.

2 Pedro 1:21

Dipo u hula nu prupeta hide ay bakán a gábwat tu isip nu tolay, nan tu Diyos. Pero tu tulung nu Banal a Ispirito ay impakapospos de u kinagi hide nu Diyos.