Hebreo 9:23 - U Maganda A Baheta Ni Jesu-Cristo

²³ Iye hide a kasangkapan tu págsambaan, ay mage-letrato la nu katoy ti langet. Kaya kailangan a linisan tu pamamag-itan nu pággalay. Pero kailangan a mas mágkaganda a alay u iyalay para tu kagamitan a págsamba ti langet.

Hebreo 9:23 ပူးပေါင်းရင်းမြစ်များ

Lukas 24:26

Awan beman kailangan madanas nu Cristo u atanan a paghihirap a iye bagu na a matanggap u marangal na a páppágyanan ti langet?”

Lukas 24:46

Sakay kinagi na nide, “Konna he u nesulat, ‘Kailangan a maghirap sakay matay u Cristo sakay mabiyag a huway tu katállo a aldew.’

Juan 14:3

Kapag nakaangayák dán hod sakay nepaghanda takamon ti páppágyanan moy ay soliyák sakay kuyugán takamon tu páppágyanan ko para maski ni hádyaák ay hod kam be.

Gimet 23:15

Kanya agidán moy tu Sanedrin tu pinuno nu sundalo hide a iyangay di he a huway ti Pablo. Kagiyán moy a gusto moy pa a imbistigaan ti husto u kaso na tánni tu dilan palla ay bunuwán mi dán.”

Colosas 2:17

Iye hide ay anino la nu bagay hide a pademát. Pero ti Cristo u katupaden ni iye hide a atanan.

Hebreo 10:1

U Kautusan ay mage-anino la, bakán a tatahoden a letrato nu mágkaganda a bagay a dumemát. Awan iye mangpabanal tu umadene hide tu Diyos a magalay kada taon.

Hebreo 10:4

Dipo u dige nu lállake hide a baka sakay nu kambing hide ay awan makapang-ibut tu kasalanan hide nu tolay.

Hebreo 8:5

U tungkulin de ay inaheg dila sakay anino nu katoy ti langet. Dipo nikuna a itaknág ni Moises u tolda ay kinagiyan siya nu Diyos, “Gimitán mo u atanan a bagay a ayun tu impeta ko niko tu buked.”

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Hebreo 9:24

Dipo ti Cristo ay awan simmáddáp tu Lugar a Kabanalan a ginimet ni tolay, sakay mageletrato la nu tatahoden, nan tu lugar a kabanalan ti langet. Nadid ay katoy dán siya tu atubang nu Diyos a mamag-itan para nikitam.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.