Hebreo 9:16 - U Maganda A Baheta Ni Jesu-Cristo

¹⁶ Mara ni kasunduwan ay kailangan a mapatunayan a patay dán u nanggimet.

Hebreo 9:16 ပူးပေါင်းရင်းမြစ်များ

Roma 5:12

Nadid, nagkahod ti kasalanan ti munduway dipo tu kassuway ni Adan tu utus nu Diyos. Sakay dipo tu kasalanan na ay nagkahod be ti kamatayan. Kanya matay u atanan a tolay, dipo nagkasala u atanan.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

1 Corinto 15:22

Dipo ni kodya a matay u atanan dipo hide ay lahe ni Adan, ay mabiyag be u atanan dipo tu pákpágkaessa de ni Cristo.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

Hebreo 9:17

Dipo awan ti bisa u kasunduwan mentaras a biyag palla u nanggimet. Magkabisa la iye ni matay dán siya.

Santiagu 2:10

U tolay a simmuway tu essa la a utus, maskin nasunud na u agum ay sinuway na padi u atanan nu Kautusan.