Hebreo 9:14 - U Maganda A Baheta Ni Jesu-Cristo

¹⁴ Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Hebreo 9:14 ပူးပေါင်းရင်းမြစ်များ

Mateo 12:28

Pero ni nagpalayasák ti demonyo tu kapangyariyan nu Ispiritu nu Diyos ay nagpatunay ina a dumemát dán nikam u pághari nu Diyos.

Mateo 16:16

Timmábbeg ti Simon Pedro, “Hiko u Cristo, u Anak nu Diyos a biyag.”

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 7:11

Ni hikam a makasalanan ay tukoy moy a mangatád ti maganda tu anak moy, mas lalo a mangatád ti maganda u Ama moy ti langet tu atanan a mangaged nikuna.

Lukas 1:74

a iligtas na kitam tu kadima tam hide, tánni makapagserbi kitam nikuna a awan ti ánteng.

Lukas 12:24

Ilingan moy i wákwake hide: awan hide mágmula oni mággapas sakay awan hide ti salansan pero páppakanán hide nu Diyos. Hikam pa beman wád u awan alagaan nu Diyos? Mas mahalaga kam nan u manok hide!

Lukas 12:28

Ni u lamon dán hide a biyag nadid sakay ni ilaw ay tutudán ay pospusán nu Diyos, hikam pa beman wád u awan na pospusán a baduwan? Tunay ti kabadit u pánniwala moy nikuna!

Lukas 4:18

“Katoy nikán u Ispirito nu Panginoon, dipo hikán u pinile na a mángpakapospos tu Maganda a Baheta tu mágkahirap hide a tolay. Inutusanák na para ikagi tu pireso hide a malaya dán hide, sakay konna bi hod, u buhák hide ay maketa dán. Inutusanák na para palayaán u áapi-apiyán hide,

Juan 3:34

Dipo pinaangay he nu Diyos ti Cristo para magkagi nikitam tu upos nu Diyos, dipo siya u pinagkaluuben nu Diyos tu Ispirito na a awan ti kahád ti kapangyariyan.

Gimet 1:2

hanggan tu aldew a simmole siya ti langet. Bagu siya a simmole ti langet ay binilinan na u pinile na hide bilang apostol tu pamamag-itan nu Banal a Ispirito. Káttapos nu pághirap na ay pimmeta siya nide ti sangan a beses, tánni patunayan na a biyag siya. Pimmeta siya nide tu alay nu kuwarenta a aldew sakay nagtoldu tungkul tu pághare nu Diyos.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 14:15

“Dyan moy ina gimitán, tolay kami labe a konna nikam! Katoy kame he para ipangaral me nikam u Maganda a Baheta tánni adággen moy dán ina hide a gimet a awan ti pinagseserbiyan sakay sumole kam tu biyag a Diyos a nanggimet tu langet, tu luta, tu diget, sakay u atanan a katoy hod.

Gimet 15:9

Eessa u pangileng nu Diyos nikitam sakay hide; pinatawad na hide tu kasalanan de dipo tu pánnampalataya de.

Roma 1:20

Sapul pa nikuna a lalangán nu Diyos i munduway, u katangian na a awan ketan, u awan ti kahád a kapangyariyan na sakay u pagka-Diyos na ay maliwanag a ketan tu bagay hide a linalang na, kanya awan hide ti medahilan.

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.

Roma 11:12

Nadid, ni u kássuway nu Judio hide sakay u awan de págtagumpay a matanggap u kaligtasan ay nakapangatád ti págpapala tu Hentil hide a tu buo a mundu, sakodya pa wád a kadakál u págpapala a meatád ni makompleto dán u buo a bilang nu Judio hide a manampalataya ni Cristo?

Roma 11:24

Dipo ni hikam a pinget nu olibu a timmubu tu talon ay nekabit tu naalagaan a olibu maski ni awan iye karanyuwan a gággimitán, mas magaan a ikabit a huway nu Diyos u pinget hide a kináttol a gábwat tu date na a ponan.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

Roma 6:22

Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.

1 Corinto 15:45

Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

2 Corinto 6:16

U Diyos u hed nikitam kaya hikitamon u Templo nu Diyos a biyag dipo hina madukás nite ugnayan u Templo nu Diyos tu diyos-diyosan. Siya dán u nagkagi: “Mágyanák sakay mákkabiyagák nide, Hikán u magin Diyos de, sakay hide ay magin kao ko.

Galacia 2:19

U tatahoden tu pamamag-itan a mismo nu Kautusan ay natukuyan ko a awan dán ti kapangayarihan u Kautusan nikán kaya malayaák dán a mabiyag para tu Diyos.

Efeso 2:5

Maske ni inturing na kitam a patay dipo tu págsuway tam ay biniyag na kitam a huway nikuna a biniyag na ti Cristo. Naligtas kam dipo la tu habag nu Diyos.

Efeso 5:2

Mabiyag kam a tehhod a págmahal tu kapareho moy a konna tu págmahal nikitam ni Cristo. Inyalay na u sadile na para nikitam bilang katanggap-tanggap a alay tu Diyos.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

Hebreo 10:12

Pero ti Cristo ay pumensan la a nag-alay para tu kasalanan tam, káttapos ay nággetnod dán siya tu kawanan nu Diyos.

Hebreo 10:2

Dipo ni napatawad dán hide tu pamamag-itan nu alay de, ay awan dán nakwa hide ti alalahanán pa tu kasalanan de, sakay awan dán hide magalay a huway.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Hebreo 11:21

Dipo tu pánnampalataya ay kinagi ni Jacob a pagpalaán nu Diyos u duwwa a anak ni Jose bagu siya a natay. Sakay timmawed tu ontok nu sahukod na sakay sinumamba tu Diyos.

Hebreo 13:12

Kaya konna labi hod, natay ti Cristo tu luwas nu banuwan tán malinis na u tolay tu kasalanan de hide tu pamamag-itan nu dige na.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

Hebreo 6:1

Kanya dapat kitam a lumagu sakay sapulan tam a pagadalan u maspa nan tu pangpurumero hide a adal a tungkul ni Cristo. Sakay magtulos-tulos kitamon tu adal hide a mágkadisalad. Awan tam kailangan a huway-huwayán u adal hide a tungkul tu káadág tu gimet hide a awan maganda tu pangileng nu Diyos, sakay tungkul tu pánnampalataya tu Diyos,

Hebreo 7:16

Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan.

Hebreo 7:27

Awan siya kapareho nu agum hide a pinakapuno a saserdote a kailangan pa a magalay kada aldew. U purumero de a iyalay ay para tu sadile de a kasalanan, sakay káttapos ay para tu kasalanan nu katolayan. Pero ti Jesus ay pumensan la nagalay sakay awan dán kailangan a huwayán, itod ay nikuna a inyalay na u sadile na.

Hebreo 9:12

Pumensan la a simmáddáp ti Cristo tu Lugar a Kabanalan, sakay awan dán kailangan a huwayán. Bakán a digi ni kambing sakay digi ni bul-o a baka u inyalay na nan u sadile na a dige, tánni mapatawad kitam tu kasalanan tam hanggan-hanggan.

Hebreo 9:26

Dipo ni bakán a konna hod ay kailangan a pahuway-huway siya a matay sapul nikuna a lalangán i munduway. Pero pumensan la siya a immangay he, nadid a katapusan dán nu panahun tán buhaán na u kasalanan tu pamamag-itan nu pág-alay na tu sadile na.

Hebreo 9:7

Pero u makasáddáp la tu kaduwwa a bahagi ay u pinakapuno a saserdote sakay pumensan na la iye a gimitán ti sataon. Te tawed siya a dige a iyalay na tu Diyos, para tu kasalanan na hide sakay tu katolayan, tu nagimet de hide a kasalanan a awan de namalayan.

Hebreo 9:9

Itod hide ay mage anino la, u gusto na a ipakapospos ay u panahun nadid a kasalukuyan. U kaluub hide sakay u alay hide hod ay awan makapangpabanal tu sumamba hide.

1 Pedro 1:19

Nan u nangtubus na nikitam ay u dige ni Cristo. Siya u konna tu tupa a awan ti dangát sakay kapintasan, a ne alay tu Diyos tánni matubus u kasalanan nu tolay.

1 Pedro 2:22

Maski nikan ay awan siya nagkasala sakay nagbule-bule.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Pedro 3:18

Dipo ti Cristo ay natay a pumensan para tu atanan. Siya ay awan ti kasalanan pero natay siya para nikitam a atanan a makasalanan tánni iyadene nakitam tu Diyos. Natay u bággi na, pero u Ispirito na ay biyag.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

1 Juan 1:7

Pero ni mabiyag kitam ayun tu demlag a konna tu Diyos a katoy tu demlag ay tehod kitam a pákpagkaessa tu balang essa. Sakay u digi ni Jesus a Anak nu Diyos u nanglinis tu atanan a kasalanan tam.

1 Juan 3:5

Tukoy moy a ti Cristo ay awan ti kasalanan sakay kaya he siya a immangay ay para ibutan u kasalanan tam hide.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.